Кейинги йилларда юртимизда жадидлик ҳодисаси кенг кўламда ўрганила бошлагани ҳаммамизга маълум. Ўша даврнинг илғор, ҳур фикрли мутафаккирлари томонидан илгари сурилган истиқлол ғояси ва истиқбол режалари, замона зиё аҳлининг қисмати, шунингдек, бугун жамиятимизда юз бераётган бетакрор ўзгаришлар - ушбу мавзуларга доир кўплаб мақолалар йил давомида "Jadid" газетаси муштарийларига тақдим этилди. Бу жараёнда юртимиз ҳамда хорижлик энг нуфузли олимлар, адиблар, зиёлилар ўзларининг қимматли ва келажакда ҳам қадрини йўқотмайдиган фикр-мулоҳазалари билан иштирок этди.
Ушбу китобда газетамизда бир йил давомида босилган энг сара асарлар жамланди.