Aniq fanlar fakultetida muhim yangilanishlar!

Navoiy davlat universiteti rektori, professor Muxiddin Kalonov fakultet jamoasi bilan uchrashuv o‘tkazdi. Unda ilmiy salohiyatni oshirish, xalqaro hamkorlikni kengaytirish va talabalar uchun qulay sharoitlar yaratish masalalari muhokama qilindi.

Fizika-texnologiya fakulteti va Matematika-informatika fakultetlari dekani lavozimida uzoq yillar samarali ishlagan rahbarlarni kuzatuv marosimi o‘tkazildi. Universitet rahbariyati ularning xizmatlarini e’tirof etib, esdalik sovg‘asi topshirdi.

Fakultetning yangi dekani jamoaga tanishtirilib, unga yuksak ishonch bildirildi. Jamoa kelgusida ham universitet rivojiga munosib hissa qo‘shishga tayyor ekanligini ta’kidladi.