So'zim ichda qoldirmasdan,
Senga aytayin nidoyim,
Jonimni olib qo'ymasdan,
Ramazonga yetkaz Xudoyim!

Og'riq to'la jonim seni qo'lingda,
O'lmoq niyat erur seni yo'lingda,
Faqat bir iltimos dilimda:
Ramazonga yetkaz Xudoyim!

Yo'q, yo'q qo'rqmayman o'limdan,
Farishtang kelsa nima kelar qo'limdan.
O'zing xabardorsan o'ng-u so'limdan.
Ramazonga yetkaz Xudoyim!

Bilmam qancha qoldi hayotim,
Uch kun,
Besh oy,
Yetti yil,
Balki yetmishdan keyin mamotim,
So'rovimdagi bor bisotim:
Ramazonga yetkaz Xudoyim!

Diydorlashib olay Ramazon mohim bilan,
Poklik suvin sipqoray ohim bilan,
Qarshingga xayrlashib boray gunohim bilan,
Ramazonga yetkaz Xudoyim!

Xayr amali kam bir bandaman,
Imtihon kuni mahsharda man,
Rahm qilmasang sharmandaman,
Ramazonga yetkaz Xudoyim!

25.02.2025