JANGCHI
Yovquvlar, yovqurlar, kurashing har on,
Kuchlilar hukmron sher to'dasida.
Yusufdek begunoh ilohiy isyon,
Yashaydi yuragim yerto'lasida.
Hurlik istab hurriyat ichimni yeydi,
Sabr va shukurdan kuchga to'lar - u.
"Ozodlik, ozodlik, ozodlik"- deydi,
Va nihoyat bir kun ozod bo'lar - u.
Jangchiman fath etay zolim zulmini,
Dovuddek temirni xamirdek qoray.
Karbalo dashtining qasos qumini
Ilonning iniga uchirib boray.
Shamolman ezgulik tomon esguvchi,
Quldirman, imonga, qudratga to'lib.
Mazlumni xo'rlagan qo'lni kesguvchi,
Yashayman "Adolat qilichi" bo'lib.
Chopaman ochko'z nafs - xoindir, xatar,
Iblisning fitnasi holi bo'lsin tang.
Toki davom etar qiyomat qadar
Inson va shaytonning o'rtasida jang.
Zafar yor bo'lg'usi Haqdan har nafas,
Mag'lub bo'lsa ortar yurakning ranji.
Ayovsiz kurashda jonini emas
Jonlarni asraydi haqiqiy jangchi.
Ne-ne zolimlarga kelgan jazodek
G'animning ko'ksiga borib sanchilar.
Dajjolni yenguvchi masih Isodek
Xaloskor bo'ladi asl jangchilar!
✍ AZIZ XO'JA NUR
Yovquvlar, yovqurlar, kurashing har on,
Kuchlilar hukmron sher to'dasida.
Yusufdek begunoh ilohiy isyon,
Yashaydi yuragim yerto'lasida.
Hurlik istab hurriyat ichimni yeydi,
Sabr va shukurdan kuchga to'lar - u.
"Ozodlik, ozodlik, ozodlik"- deydi,
Va nihoyat bir kun ozod bo'lar - u.
Jangchiman fath etay zolim zulmini,
Dovuddek temirni xamirdek qoray.
Karbalo dashtining qasos qumini
Ilonning iniga uchirib boray.
Shamolman ezgulik tomon esguvchi,
Quldirman, imonga, qudratga to'lib.
Mazlumni xo'rlagan qo'lni kesguvchi,
Yashayman "Adolat qilichi" bo'lib.
Chopaman ochko'z nafs - xoindir, xatar,
Iblisning fitnasi holi bo'lsin tang.
Toki davom etar qiyomat qadar
Inson va shaytonning o'rtasida jang.
Zafar yor bo'lg'usi Haqdan har nafas,
Mag'lub bo'lsa ortar yurakning ranji.
Ayovsiz kurashda jonini emas
Jonlarni asraydi haqiqiy jangchi.
Ne-ne zolimlarga kelgan jazodek
G'animning ko'ksiga borib sanchilar.
Dajjolni yenguvchi masih Isodek
Xaloskor bo'ladi asl jangchilar!
✍ AZIZ XO'JA NUR