#MuhammadYusufIzdoshlari
Kuzak bogʻlarida dilgir daraxtlar
Eroniy qizlarday yechganda roʻmol,
Kaftim chizigʻiga monand turnalar
Ortidan keturman, bogʻlarim, xush qol.
Hijronning soyasi maysani qoplab,
Sargʻargan xazonday yoyilgan chogʻda,
Koʻrar tushlarini hushida oqlab,
Bir suluv keladi hali bu bogʻga.
Daraxtlar soyasin tirqishlaridan
Koʻziga botganda idragan yogʻdu,
Goʻyoki begona — yuz yil naridan
Ismini pichirlab soʻragaydir u.
Xazonlar yoyadi xotirdan rasta,
Gʻovaklar boʻgʻriqib chaladi burgʻu:
“Bu bogʻlar bahorgi bogʻlar emasda,
Ismini baribir eslolmaydi u...”
Egik majnuntolning baland shoxidan
Eng soʻngi yaproqlar tuproqqa ensa—
Yoʻlakka toʻshalgan xazon ohidan
Siniqqan sas chiqar: “bu axir sensan”!
Shamollar xas ila soʻz yozar koʻlga,
Toshlarga toʻsh urib pichirlaydi suv.
Izmini unutib botadi oʻyga,
Ismini koʻnglimga joylagan suluv.
Qismatday orqaga yoʻl boshlaydi yoʻl,
Eslatar fursati yetganligini.
Bir umr bilmaydi, yanoqlari hoʻl —
Ismining men bilan ketganligini.
Sentyabr, 2024
✍ Najmiddin Ermatov
Kuzak bogʻlarida dilgir daraxtlar
Eroniy qizlarday yechganda roʻmol,
Kaftim chizigʻiga monand turnalar
Ortidan keturman, bogʻlarim, xush qol.
Hijronning soyasi maysani qoplab,
Sargʻargan xazonday yoyilgan chogʻda,
Koʻrar tushlarini hushida oqlab,
Bir suluv keladi hali bu bogʻga.
Daraxtlar soyasin tirqishlaridan
Koʻziga botganda idragan yogʻdu,
Goʻyoki begona — yuz yil naridan
Ismini pichirlab soʻragaydir u.
Xazonlar yoyadi xotirdan rasta,
Gʻovaklar boʻgʻriqib chaladi burgʻu:
“Bu bogʻlar bahorgi bogʻlar emasda,
Ismini baribir eslolmaydi u...”
Egik majnuntolning baland shoxidan
Eng soʻngi yaproqlar tuproqqa ensa—
Yoʻlakka toʻshalgan xazon ohidan
Siniqqan sas chiqar: “bu axir sensan”!
Shamollar xas ila soʻz yozar koʻlga,
Toshlarga toʻsh urib pichirlaydi suv.
Izmini unutib botadi oʻyga,
Ismini koʻnglimga joylagan suluv.
Qismatday orqaga yoʻl boshlaydi yoʻl,
Eslatar fursati yetganligini.
Bir umr bilmaydi, yanoqlari hoʻl —
Ismining men bilan ketganligini.
Sentyabr, 2024
✍ Najmiddin Ermatov