Ba'zi oilalarda faqat dam olish kunlari "muomala" qilinishi haqida eshitsam, ajablanaman. Balki ishdan charchab kelish, kech kelish muammolari bordir, ammo ish ishqqa ta'sir qilmasligi kerak! )

Ishdagi muammolaringiz ishxonada qolsin. Ishxona eshigini ochib tashqariga chiqar ekansiz, ularni unuting, ish soatingiz tugadi. Endi o'zingiz, oilangiz uchun yashash kerak!

Bu mas'uliyatsizlikka targ'ib qilish emas. Siz vaqtida dam ola olsangiz, ishlashga kuch topasiz. Bizda rahbarimiz "Dam olish kunlari dam olinglar, uyda ish qilmanglar. Dushanba kuni yangi kuch bilan kelishingizni istayman" der edilar. Hatto dam olishga alohida urg'u berilganidan ishda ham dam olib ishlash, bir necha oyda bir ishxona hisobidan dala hovlilarda dam olib kelishlar tashkillashtirilar edi. Maqsad yaxshi dam olib, yaxshi ishlash edi.

Haligi aytadi-ku: "daraxt kesishga berilgan vaqtning ko'proq qismini arra charxlashga ishlatish kerak" deb. Shunaqa-da. Dam olish uchun xos aloqalardan yaxshiroq yana nima bo'lishi mumkin?!

Shu o'rinda eslatib qo'yish kerakki, ishdan juda kech qolib kelish ham yaxshi emas. Ish, oilangiz va o'zingiz uchun vaqtingizni tartibga soling!

#Erkaklar

@Mubosharat