ВАЗИФА

Қиёмат нелигин билмасман, бироқ
Шу бир гап учун ҳам
Ишонгим келар:
“Ҳақ сўзни битмакка сарфланган сиёҳ
Жангда томган қондек
Қадрли бўлар!”

Аҳволим танглигин биламан ўзим,
Қалбим қаршиликдан тинмади ҳали.
Яхши мудофаа – яхши бир ҳужум,
Ёзаман, қаламим синмади ҳали.

Разолат теграмда айланар ўчкор,
Гоҳида имонин ютади ҳакам.
Енгиш, енгилишнинг
Қандоқ фарқи бор –
Тинмай курашмоқдир менинг вазифам.

Шеър: Аъзам ЎКТАМ
Ижро: Мирзо Озод