“Ichan qalʼa” ham muammolardan holi emas

“Milliy tiklanish” uchun yanvar – Xorazm oyi, deb eʼlon qilingan edi. Ushbu oylik doirasida partiya Markaziy kengashi raisi o‘rinbosari Feruza Muhammedjanova boshchiligidagi ishchi guruh shu kunlarda ushbu viloyatda o‘rganishlar olib boryapti. Dastlabki manzil “Ichan qalʼa” davlat muzey-qo‘riqxonasi bo‘ldi.

Majmuada sayyohlar uchun yetarlicha sharoitlar yaratilgan bo‘lsa-da, o‘rganishlar davomida ayrim kamchiliklar aniqlandi.

Jumladan, “Ichan qalʼa” aholisi tomonidan o‘zboshimchalik bilan qilinayotgan qurilishlarni cheklashga doir qonunchilikni kuchaytirish, tarixiy qiyofaga mos kelmaydigan xonadonlarni shaharning boshqa qismiga ko‘chirish, hududda transport qatnovini cheklash, madaniy meros obyektlarini qayta xatlovdan o‘tkazish hamda termitdan zararlangan binolar taʼmirlanishi lozim. Shuningdek, Urganch va Xivaning turistik atlasini yaratish kabi takliflar partiya va majmua rahbariyati bilan bo‘lgan muloqotda ilgari surildi.

MTDP | Telegram