Бировлар айтади: "Жуфтингизнинг кўнглини қозониш учун уни кўпроқ мақтанг, унга табассум қилинг ва чиройли муомала қилинг. Шундай қилсангиз, унинг муҳаббатини қўлга киритасиз".

Тўғри, шундай бўлиши мумкин. Лекин, аввало ва энг муҳими, "Аллоҳим, жуфтимнинг қалбини ислоҳ қилгин", дея дуо қилишни унутманг.

Ундан ёрдам сўранг, Унга таваккул қилинг ва: "Жуфтимга қилган табассумларимдан зарра наф йўқ, агар Сен унинг дилига илиқлик солмасанг" деб эътироф қилинг.

"Унинг қалби менинг қўлимда эмас, Сенинг қўлингда. Оиламизни тотув, бизни бир-биримизга муҳаббатли қилгин" деб тазарру қилинг.

Аллоҳ таоло сиздан ожизлигингизни, куч ва имкониятларингиз чекланганини, ёлғиз У Зот Кучли, Қудратли ва Буюк эканини тан олишингизни истайди. Сиз буни эътироф қилсангиз, таваккулнинг тўртдан уч қисмини бажарган бўласиз ва атрофингиздаги барча нарса ўзгаради. Ишонаверинг, албатта ўзгаради.
****
📚Чунки Сен БОРСАН, АЛЛОҲ китоби.

@ShavkatHasan☂