Imlo qoidalariga koʻra, har, hech, hamma, baʼzi, gʻayri, bir, qay, u, bu, shu, oʻsha soʻzlari oʻzidan keyingi yoki oldingi kelgan soʻzdan ajratib yoziladi: har zamon, hech kim, hamma vaqt, baʼzi bir, gʻayri tabiiy, bir qancha, bir yoʻla, bir oz, qay kuni, u yerga, bu yoqdan, shu yerdan, oʻsha yoqqa kabi.

Lekin Oʻzbekiston Respublikasi Vazirlar Mahkamasining 24.08.1995-y. 339-son “Oʻzbek tilining asosiy imlo qoidalarini tasdiqlash haqida”gi Qarorida bu bandga qoʻshimcha tariqasida quyidagilar yozilgan: birpas, biroz, biratoʻla, birvarakayiga, birmuncha, buyon soʻzlari qoʻshib yoziladi.

Bundan shunday xulosa hosil boʻladiki, lotin yozuviga asoslangan yozuvda biroz jumlasi qoʻshib yozilsa, kirill alifbosiga asoslangan yozuvda ajratib yoziladi: бир оз.

Boshqa tarafdan, yuqoridagi qaror faqatgina lotin yozuvini qamrab olmaydi, degan fikrlar ham boʻlishi tabiiy hol. Shunday ekan, har ikki tarafning ham daʼvosi oʻrinli.