Maktablarda o‘quv yilini yakunlash va o‘quvchilarni shahodatnoma bilan ta’minlash to‘g‘risida

Umumiy oʻrta taʼlim maktablarida 2019-2020-oʻquv yilini yakunlash hamda oʻquvchilarni attestat (shahodatnoma) bilan taʼminlash toʻgʻrisida O‘zbekiston Respublikasi Xalq ta’limi vazirining buyrug‘i e’lon qilindi.

Unga ko‘ra,

👉 5-iyunga qadar bitiruvchilarga attestat (shahodatnoma va sertifikat) blankalariga qo‘yiladigan yakuniy baholar attestat.uzedu.uz elektron tizimiga kiritiladi hamda belgilangan tartibda rasmiylashtiriladi;

👉 15-iyunga qadar chop etilgan attestat (shahodatnoma)lar elektron shaklda (skaner) bitiruvchilarga yetkaziladi;

👉 tayyorlangan attestat (shahodatnoma)lar, oltin va kumush medallar hududda epidemiologik vaziyat yaxshilanganidan keyin o‘quvchilarga topshiriladi.

👉 attestat (shahodatnoma)lar, oltin va kumush medallar epidemiologik vaziyat yaxshilanib, o‘quvchilarga topshirilgunga qadar barcha xavfsizlik choralari ko‘rilgan holda umumiy o‘rta ta’lim muassasasida saqlab turiladi.

Davlat test markazining rasmiy sahifalari:
Telegram | Facebook | Instagram | YouTube