Видео недоступно для предпросмотра
Смотреть в Telegram
📌BILMAY, ANGLAMAY
Sahrolardan keldim, choʻllardan keldim,
Yoningga kimsasiz yoʻllardan keldim.
Ehhe, qancha oshiq dillardan keldim,
Sening dunyoyingni bilmay, anglamay.
Gar bilsam kelmasdim qafasing tomon,
Shamolday yelmasdim nafasing tomon.
Sen uchun asrabman sevgimni omon,
Sening yuragingni bilmay, anglamay.
Xatoga qoʻl choʻzdim, bogʻlar axtarib,
Suyanchga arzulik togʻlar axtarib.
Yoningda eng baxtli chogʻlar axtarib,
Sening xayolingni bilmay, anglamay.
Kechirgin, oʻksima borligim uchun,
Boshingdan yogʻgulik qorligim uchun.
Umr yoʻllaringda yorligim uchun,
Men xato qilibman bilmay, anglamay.
✍Maftuna Amirzoda
17.02.2025-yil
⏰ 07:40
https://t.me/Maftuna_Amirzoda_ijodi