Black Swan

​​Dunyoni o'zgartirmoqchiman

Hammaning hayoliga hech bo'lmaganda bir marta kelgan va kelishi mumkin bo'lgan ammo, ushalashi siz-u menga mushkul ko'ringan orzu. Dunyoni o'zgartirmoqchimisan o'zingdan boshla. Nuqta. Deb tugatgan bo'lardim, lekin "sirli masalliq"ni aytib o'tish kerakligi yodimdan chiqibdi.

"Kichik, lekin, sifatli ishlar". Inson aslida o'zining xulq-atvoriga ko'zgu tuta olmaydi, o'zini qanaqa ekanligini obyektiv baholay olmaydi. Ammo, qiladigan ishlaridan o'zini analiz qila olish mumkin.

Agar siz har bir qilayotgan ishingizga u xoh katta bo'lsin xoh kichik, sifat bera olgan bo'lsangiz, u ish boshqa birovni ovora qilmasa, demak, o'zingizni bo'laklaringizni yig'ib mozaikani to'g'ri tartiblab boryapsiz. Bu butun boshli mexanizmga kichik murvatdek, muhim o'rinni kasb etadi. O'zgarish butun boshli mexanizm va biz ularni harakatlanishiga hissa qo'shayotgan insonlar deb qaraydigan bo'lsak, har kim o'z ishini sifatli qilsa, uning harakati nafaqat o'zini balki boshqalarning ham hayotini yaxshilashga olib keladi. Men qilsam nima o'zgaradi emas, men qilmasam, rivojlanmaydi, deydigan bo'lsak, ishimizdan rohatlana olsak, hayotimiz osonroq va baxtliroq bo'ladi.

"Perfect days " filmidagi Hirayama kabi halovatni topish uchun qilayotgan ishdan zavqlanish va atrofimizga qarash yetarli, menimcha.

@Latofat_Shukhrat

​​Stabillik haqida

Biror ishni muntazam ravishda va aniq bir vaqtda bajarish bu stabillik. Agar ma'lum vazifalarda stabillik shakllansa, bu bora-bora odatga aylana boshlaydi. Odatga aylanayotrgani sizda ko'nikma shakllanishiga olib keladi xoh bu yaxshi bo'lsin xoh yomon.
Aytaylik, men har kuni uyqudan uyg'ongach 1 soat vaqtimni ijtimoiy tarmoqlarga sarflab yuborsam bu menga odat tusiga aylanadi bu odatdan kelib chiqadigan natija ham bor . Bu odat shakllangach menda diqqat yetishmovchiligi, ADHD kasalligini boshlanishiga ham sabab bo'ladi.

Ana shu bir soatni toza havodan nafas olish, ochiq havoda yurib kelish, yugurishga ajratsam va buni bora-bora odat tusiga aylantirsam kunim yaxshi kayfiyatda boshlanadi, sog'ligim yaxshilandi.

Stabillik odatlarni shakllantirishda muhim omil hisoblanadi, hamma maqtaydigan va unda berilgan amaliy vazifalar rostdan ham o'xshaydigan "Atom odatlar " ko'zga ko'rinadigan yomon odat, ko'zga ko'rinmaydigan yomon odatdan ko'ra tezroq shakllanishi haqida yozilgan.

Yuqoridagi keltirilgan masalaga yechim uyqudan oldin smartfonlarni boshqa xonada qoldirish ( uyg'onish uchun faqat budilnik yoki timer vazifasini bajaradigan qurilmalardan foydalanish) uyqudan uyg'onib telefon titkilash degan odatni shakllantirish omillarini kamaytiradi.

@Latofat_Shukhrat

​​#kuzatuv

Kecha jiyanim bir multifilm ko'rdik, Megamind (Megamiya) yoshligimdagi sevimli multifilmim, undagi g'oyalar ulg'aygach boshqacha ma'no kasb etdi. Multifilm yoshligidan barmoq uchida niqtalib ko'rsatilgan, boshqalarga yaxshilik qilmoqchi bo'lib ko'ngilsizlik keltirib chiqaradigan bolakay va unga qarama-qarshi hislatlarga ega bo'lgan Machoman haqida.
Bolalikda olingan miyadagi jarohatlar, ularni ichidagi menini qaysi tomonga yo'nalishini belgilab beradi. Ular qilinayotgan muomila, xatti-harakat hammasi bumerang singari qaytib keladi. Kichik yoshdagi qizlarni good girl syndromi bilan katta qilishlari sabab ularni hayotlari faqat boshqalarga "yaxshi" ko'rinish bilan o'tib ketadi, hammasidan yaxshi bo'lishga intilaverishadi,o'zlarini hech narsaga loyiq ko'ra olishmaydi. O'g'il bolalarni ham kichik yoshdan faqat aytganlaridan chiqmaslikni o'rgatib, shaxs sifatida shakllanishiga yo'l qo'yishmaydi. Ular katta bo'lgach esa, o'zining ma'sulyatini oladigan yoshida ham infantillikni saqlab qolishadi.
Kamola Mahmudova "O'zbekistonlik" loyihasida aytganidek :" Mashina haydashga ruxsatnoma olamiz, lekin ota-ona bo'lishga yo'q."

Yosh bolalarga iloji boricha ehtiyotkorlik bilan muomala qilish ularni psixikasiga ta'sir ko'rsatadigan nojo'ya xatti-harakatlar, gaplarni gapirmaslik ularga qilinadigan yaxshilik.
Filmlar, asarlardagi yomon xarakterli inson qanday bu holga kelib qolgani meni har doim qiziqtiradi, aksariyati yoshlikda yaxshi ko'rilmagan, ota-onasi, oila a'zolari tomonidan e'tibor berilmagani sabab qilayotgan yomon ishlari bilan jamiyatdan o'ziga e'tibor jalb qilmoqchi bo'ladi.

Nima demoqchiman, agar farzandlarning bolaligi to'g'ri bo'lmasa, bu zanjir bir-biriga ulanib, biz kelajakda yashaydigan jamiyatning insonlari ruhiy nosog'lom bo'lishiga olib keladi va bu har birimizni hayotimizga o'z ta'sirini o'tqazadi.

@Latofat_Shukhrat

#Thoughts​​

Qo'rqaman, kelajakdagi o'zimni ushalmagan va keyingi solib yurgan orzulari bo'lishidan. Ha, hamma orzular tilaklar ushalishi imkonsiz. Lekin, ushalishi mumkin bo'lganlarini keyingi surib ularni yo'qotib qo'yishdan, shiftga qarab yuzimdagi achchiq tomchilar bilan eslashdan qo'rqaman.

Har doim yaxshi kunlarni, nega kelajakka olib qo'yaveramiz? Balki kelajagimizni bugunimizdan ko'ra rangliroq ko'rarmiz. Ammo hozirni boy berib qo'yamiz.

@Latofat_Shukhrat

​​#quote

Pain is inevitable. Suffering is optional.

Haruki Murakami .
What I talk about when I talk about running

Murakamini ushbu memuarining dastlabki sahifalarida bo'lsam-da, meni allaqachon yugurishga ilhomlantirib yubordi. Murakamining vibe, yozish uslubi o'zgacha)

@Latofat_Shukhrat