ПУЛ БЎЛИБ КЕТДИ


Сохтачилик гул бўлиб кетди,
Ҳамма пулга қул бўлиб кетди,
Наҳот дўстлар ёруғ оламда,
Оқибат ҳам пул бўлиб кетди.


Пули бордан аҳвол сўралар,
Оёғига ипдек ўралар,
Дийдорингиз неч пул жўралар,
Оқибат ҳам пул бўлиб кетди.


Пули кўпни атрофи тўла,
Дўст, қадрдон улфату, жўра,
Ишонмасанг пулсиздан сўра,
Оқибат ҳам пул бўлиб кетди.


Кимлар бойлик тиллоларга маст,
Одамийлик қадри жуда паст,
Камбағални биров йўқламас.
Оқибат ҳам пул бўлиб кетди.


Мансаби бор давралар тўри,
Мақтовларда зўрларнинг зўри,
Отдан тушгач тўкилар шўри,
Оқибат ҳам пул бўлиб кетди.


Бир давримиз сурайлик десам,
Қўлни қўлга урайлик десам,
Дийдорлашиб турайлик десам,
Оқибат ҳам пул бўлиб кетди.