✨ Ko'zgu Kutubxonasi ✨

Birodarlik kerak. Birodarlik nima? - Oila. Erning achchig'i kelganda xotin, xotinning achchig'i kelganda er past tushuvi lozim. Yo'qsa bola yetim bo'ladi...

Inson o‘z ko‘nglining sharofat va fazilatlarini bilgani kabi, nuqsoni, ojiz va yaramas tomonlarini ham bilish kerak, chunki, o‘z nafsini tanish shu jahatdan ham Xudoyi taolo ma’rifatining kalitlaridan biridir.

Hech qaysi mavjudot to‘g‘risidagi bilim Xudoyi taoloni bilishdan ulug‘roq emas, chunki hamma mavjudotning sharofati U tufaylidir, hamma olamning podshohi va egasi Udir. Bu olamning ajoyibotlari Uning san’ati namunasidir. Xullas, hech ma’rifat Uni bilish va tanishdan sharifroq, azizroq va lazizroq bo‘lmaydi, hech narsani ko‘rish Parvardigori olamning Dargohini ko‘rishdan xushroq va lazzatliroq emas. Ayni shu ko‘ngilning tabiati ehtiyoji bo‘lib, ko‘ngil shuning uchun yaratilgan.

Agar sen: "Odam ko‘nglining baxti Alloh taoloni tanish ekanini qaysi dalillar bilan bilamiz?" deb so‘rasang, quyidagilarni bilib ol: Har narsaning baxti biror narsadan lazzat va taskin olishdadir. Har narsaning lazzati uning tabiati ehtiyojidan kelib chiqadi. Har bir narsa tabiatining extiyoji esa ayni shu narsaning yaratilish maqsadidan kelib chiqadi. Chunonchi, shahvatning lazzati o‘z orzusiga yetishishida. G‘azabning lazzati o‘z dushmanidan qasd olganida bo‘ladi. Ko‘zning lazzati chiroyli narsalarga nazar solishda. Quloqning lazzati chiroyli ovoz va navolarni eshitishda bo‘ladi.
Bularga o‘xshash ko‘ngilning lazzati ham o‘ziga xos bo‘lib, ko‘ngil hamma mavjudotning mohiyatini bilish uchun yaratilgan va odam ko‘nglining xususiyati ham shu.

Valiylik va Payg‘ambarlik inson ko‘nglining sharofat darajalaridan bo‘lib, uch xususiyatning hosil bo‘lishidan iborat ekani to‘g‘risida yuzaki bo‘lsa-da eshitgan bo‘lishi kerak:
- Birinchisi, oddiy xalqqa tushida kashf etiladigan narsalar bunday odamga bedorlikda kashf qilinadi.
- Ikkinchisi, hamma xalqning ko‘ngli o‘z badanigagina ta’sir qiladi. (Valiy yoki payg‘ambar bo‘lgan) kishining ko‘ngli O‘z badanidan tashqarisidagi narsalarga ham ta’sir qiladi va bu ta’sir yomonlikka emas yaxshilikka olib boradi.
- Uchinchisi, oddiy xalq o‘qish va o‘rganish bilan olidigan ilm (Payg‘ambar yoki valiy bo‘lgan) kishining ichidan, o‘rganishsiz paydo bo‘ladi.

Ko‘ngilning sharofati, u hamma narsadan ajoyibroqligidadir. Aksariyat odamlar bu narsadan bexabardir. Uning sharofati 2 jihatdan:
1. Ilmning jihatidan
2. Qudratining sababidandir.
Ko‘ngilning ilm jihatidan sharofatli bo‘lishi 2 pog‘onalidir.
- Birini hamma xalq biladi. Oshkora pogʻona insonda hamma ilm va hunarlarni bilishga boʻlgan quvvat boʻlib, bu quvvat bilan barcha sinoatlarni bilib, kitoblarda nimaiki yozilgan boʻlsa odam uni oʻqib oladi. (Handasa, hisob ilmi, tabobat, astronomiya shariat ilmi va boshqalar) ularga 5 ta hissiyot bilan erishadilar. Bular zohiriy ilmlar bo'lgani uchun hamma ham bularga erisha oladi.
- Boshqa bir pog‘ona yashirin bo‘lib, uni har kishi ham bilmagani uchun bunisi azizroqdir.
(Hissiyot olami deb jismoniy olamni aytadilar. Malakut olami deb ruhoniy olamni aytadilar.)
Koʻngilning ichki tarafidan malakut olamiga bir darcha ochiqligiga 2 dalil bor.
1. Biri tush ko'rish boʻlib uyqu vaqtida hissiyotlar yo'li berilib koʻngilning ichki darchasi ochiladi.
2. Ikkinchisi koʻngilda ilhom orqali paydo bo'lgan, kelajakdan darak beruvchi farosat va xayol kabi narsalar (intuitsiya).