Hurmatli maktab bitiruvchisi 🎓
Bilaman hali kelajakdagi maqsad va rejalar haqida biror bir aniq qarorga kelmagansiz. Universitetda o'qisammikan yoki biroz tanaffus olib o'z ustimda ishlasammikan degan o'y hayollar tark etgani yo'q. O'zimda ham huddi shunga o'xshash holatlar yuz bergan. Quyida shaxsiy tavsiyalar bermoqchiman:

➖Ingliz tilini o'rganing. Sababi bu til xalqaro aloqalar uchun eng ko'p ishlatiladigan tilga aylanib ulgurgan. Va shu o'rinda internetdagi ko'pchilik ma'lumotlarni bemalol topish mumkin.

➖ Hayotda o'zi nima qilmoqchiman degan savolga biroz vaqt sarflab javob topishga harakat qilib ko'ring. O'qishni bitira solib hayotdagi karyerangiz haqida qaror qilishga shoshilmang. Qiziqishlaringiz nima ekanligi va nimada kuchliroq ekanligingizni aniqlab oling. Uydagilar meditsinada o'qi deyishyapti, lekin o'zim texnologiyaga qiziqaman yoki teskari holatlarni ko'p ko'rganman.

➖ Biror narsada qaror qabul qilishda yaqinlardan va shu sohada ishlaydigan tajribali shaxslardan yordam so'rashdan qo'rqmang. O'sha muvafaqqiyatli insonlar ham bir vaqtlar sizning o'rningizda bo'lishgan.

➖ O'zingiz uchun maqsadlar qo'ying va bu maqsadlar real hayotga asoslangan, erishsa bo'ladigan va aniq bo'lsin. Maqsad universitetga kirish bo'lmasin. Universitetda o'qish va bilim olish bu sizni kelajakdagi maqsadingizga yetaklovchi bir omildir.

➖ To'xtab qolmang. O'rganishda davom eting. Murakkab va qiyin tuyulgan bilimlar sekin asta tushunarli bo'lib boradi. Ilm olish(hoh diniy bo'lsin hoh dunyoviy) uchun o'zingizga yaxshi sharoit yaratib oling.

➖ Atrofingizdagi manbalardan to'liqligicha foydalanishni odat qiling. Yaxshi odatlarni shakllantiring.

➖ Har doim qiziquvchan bo'ling va savol so'rashdan uyalmang. Eng ahmoqona savol bu so'ralmagan savol degan edi bir professorimiz.

➖ Sog'likga e'tiborli bo'ling. Sog'lom ovqatlaning. Sport bilan shug'ullaning.

Maktab bitiruvchilariga jo'natamiz 🚀

🇺🇿 @YetakchiBlog – obuna bo’ling!