Reja va natija haqidaXoʻsh doʻstlar, bugungi koʻpchiligimizga yoqmaydigan post yozmoqchiman. Bugungi kapitalistik tuzumda hammamiz oʻzimiz xohlagan ish bilan shugʻullanib, millionlar, kerak boʻlsa milliardlar topish ilinji bilan yashayapmiz.
Har birimiz nimagadir kirishishidan avval rejalar tuzamiz. Talabalik asnosida zamonaviy kasb yoki boshqa oʻzimiz xohlagan soha boʻyicha 2-3-yilda katta shaxs boʻlishimiz, intervyular berishni niyat qilib, har kuni patalokka termulib intervyu’da beriladigan savollarga javob topib yotamiz.
Inson egosida shunday yomon xususiyat bor. Oʻzida borlari bilan birovlarga maqtanish. “Eey, menda yoʻq” deysizmi? Shoshmang!
Siz kelajakdagi rejalaringiz bilan albatta doʻstlaringiz bilan boʻlishgansiz. Misol uchun qaysi universitetga kirmoqchi ekanligingizni, ularning havas/hasadini qoʻzgash uchun.
Qolaversa, hozir yaqin kelajakdagi rejalaringizni ota-onangiz bilan boʻlishasiz siz bilan faxrlanishlari uchun, yigit/qizingizga aytasiz sizni kelajagi bor, keng fikrlaydigan yigit/qiz deb oʻylashi uchun.
Aytmoqchi boʻlganim — shu joyi xato. Eng toʻgʻrisi maqsad sari, tinchgina oldinga qarab qadam tashlash. 1 yildan keyin senga milliard soʻm olib kelishi mumkin boʻlgan gʻoyalar bilan maqtanishdan koʻra, choʻntagingda milliard soʻm bilan maqtanish yaxshiroq, toʻgʻrimi?
Chunki rejani hammaga aytganingdan keyin, atrofing sendan natija kuta boshlaydi. Har kuni ishlar qanday? Oʻzgarish bormi? deb soʻrayverishadi. Natijada xit boʻlib ketasan. Senda “Meni tushunishmayapti” degan fikr yuzaga keladi.
Indamay bajarsang, yutqazganingni oʻzing va Allohdan boshqa hech kim bilmaydi. Yutsang aytaverasan keyin. Haqiqatda senga yaqin boʻlganlar bilan yutuqlarni boʻlishish bu eng zoʻr motiv aslida.
Nafsilamrini aytganda, oʻylangan har qanday eng top rejalar ham nuqtai nazar yoki real vaziyatdan kelib chiqib oʻzgarib ketishi, uni oddiy arzimas mexanizmchalar buzib qoʻyishi mumkin, bularni magʻlubiyat uchun sabab deb koʻrsatish esa uyatli.
Qolaversa, gʻoyalaringni senga qaraganda, resurs va imkoniyatlari keng boʻlgan kimdir sendan avval amalga oshirsa, kuchli psixo-travma boʻladi. Bu esa juda yomon.
Xullas, indamay, reja va maqsadlarni hadeb aytavermasdan, senga ishonmagan, “qishloqdan kelib nima qilardi, sen nimani ham oʻzgartira olarding, kimsan oʻzi” — degan odamlarni basharasiga natijalar bilan ur😂.
@matbuotraisi
