Qabul paytida shifokor sizni qarshingizda o‘tirib, to‘satdan telefoniga yoki kompyuterini monitoriga qarab, nimanidir qidira boshlasa, nimani his qilasiz? Ko‘pincha, bu holat shifokor malakali emas, degan fikrga olib kelishi mumkin. Ammo bu har doim ham to‘g‘ri emas.

Hozirgi zamon shifokorlari doimo o‘qib-o‘rganishi va eng yangi ma’lumotlarni kuzatib borishi zarur. Tibbiyotda yangiliklar juda tez paydo bo‘ladi va ularning barchasini yodda saqlab qolish oson emas. Shuning uchun ba’zan shifokorlar o‘z bilimlarini tekshirish yoki kerakli ma’lumotlarni aniqlash uchun internetdan foydalanishadi.

Bu esa, shifokor sizning davolanishingiz uchun eng to‘g‘ri qarorlarni qabul qilayotganini anglatadi. Agar shifokor qabul paytida ma’lumotlarni tekshirishga qaror qilsa, bu uning o‘z ishiga mas’uliyat bilan yondoshayotganini ko‘rsatadi.

Agar sizda shifokorning ishonchsizligi haqida fikrlar paydo bo‘lsa, undan so‘rashdan tortinmang. Yaxshi shifokor doimo ochiq va halol javob beradi. Bu esa sizga eng yaxshi davolanish qarorlarini qabul qilishda yordam beradi.

Shuni esdan chiqarmang, shifokor ham inson va u hamma narsani bilishi mumkin emas. Biroq u siz uchun eng maqbul davolanish yo‘lini topish uchun bor kuchini ishga soladi.

©Shifokor maslahati

━━━━━━━━━━━━━━━
FOYDALI TIBBIY BLOG:
🤦‍♂ @KASALLIKLAR_UZ