Yurak

Kechalari boʻzlama,
Bevafoni izlama,
Koʻrsang yana sizlama,
Dardli dilim tigʻlama,
Yurak endi yigʻlama.

Togʻlar oshib ketaman,
bogʻlar kezib netaman,
barin yengib oʻtaman,
Dardli dilim tigʻlama,
Yurak endi yigʻlama.

Sarson boʻlay sahroda,
bir kuy boʻlay navoda,
yulduz boʻlay samoda,
Dardli dilim tigʻlama,
Yurak endi yigʻlama.

Qiynamagin oʻzingni,
sarob dema soʻzingni,
olib qochma koʻzingni,
Dardli dilim tigʻlama,
Yurak endi yigʻlama.

Loʻkillagan norimsan,
koʻksimdagi orimsan,
Hayotdagi borimsan,
Dardli dilim tigʻlama,
Yurak endi yigʻlama.


©Toshimov Jaloliddin

@Jaloliddin_ijodi