САБРНИНГ ОХИРИ ЖАННАТ БЎЛАДИ
Отаю онангнинг қадрини билгин,
Шу билан кўнглингнинг ками тўлади.
Доимо уларнинг ҳурматин қилгин,
Албат дуолари жаннат бўлади.
Не қилса беминнат қилади сенга,
Ҳеч ёмон сўзлама, хуш сўзла бирга.
Жонингга куймайди улардан ўзга,
Ўзгалар қилгани миннат бўлади.
Асло ҳаволанма кўксингни кериб,
Ўзгалар олдида содда бўл, ғариб.
Ҳар кимга дил берма ишонмай туриб,
Бир куни бошинга кулфат бўлади.
Ҳар йўлга бошлайди маккора бу нафс,
Нафсингни енгмоғинг керак эрур бас.
Ахир энди ўйлаб кўргинда бирпас,
Сўнги пушаймонинг қиммат бўлади.
Сахий бўл, майлида яхши-ёмонга,
Эргашиб кетмагин золим замонга.
Инсонсан ёрдам бер ахир инсонга,
Асли инсон кўрки ҳиммат бўлади.
Асли ташвишлардан яралган дунё.
Синовлар олдида енгилма асло.
Суйган бандасини синайди худо,
Сабрнинг охири жаннат бўлади.
✍ Муҳаммад Азим
https://t.me/Ishqimkitobida✨
𝐓𝐞𝐥𝐞𝐠𝐫𝐚𝐦 | 🌷Ишқ Китоби🌷
