IMoN LaZZaTi

ОНАНИНГ ВАФОТИДАН КЕЙИН ОТАНИ УЙЛАНИШИ

Ассалому алайкум! Она вафот этса ота уйланишга мажбурми ёки уйланмаса хам бўлаверадми 2). Ота 2-хотинга уйланса вафот этган она қабрда ёнади деб эшитганман. Шу қанчалик тўғри? Жавоб учун олдиндан раҳмат.

ЖАВОБ:

- Ва алайкум ассалом!

1). Аллоҳ таоло “Нур” сурасида марҳамат қилади:

وَأَنكِحُوا الْأَيَامَى مِنكُمْ وَالصَّالِحِينَ مِنْ عِبَادِكُمْ وَإِمَائِكُمْ إِن يَكُونُوا فُقَرَاء يُغْنِهِمُ اللَّهُ مِن فَضْلِهِ وَاللَّهُ وَاسِعٌ عَلِيمٌ۝

32. «Ораларингиздаги никоҳсизларни ва қулу чўриларингиздан солиҳларини никоҳлаб қўйинг. Агар фақир бўлсалар, Аллоҳ уларни Ўз фазлидан бой қилур. Аллоҳ қамрови кенгдир, ўта билувчидир.»
Ота уйланаман деса унга қарши чиқиш очиқ-ойдин отага оқ бўлиш ҳисобланади.

2). Сафсата ва очиқчасига динга туҳмат. Валлоҳу аълам!

"Зикр аҳлидан сўранг" ҳайъати

✅ Изоҳ: Бизни диёрларда турмуш ўртоғи вафот қилса бошқа турмуш қурмаслик одати коммунизмдан қолган сарқитлардан биридир. Бизни диёрларни Рус босиб олишидан олдин бундай одатлар йўқ эди. Эркаклар аёли вафот этишидан олдин ҳам кейин ҳам уйланаверар эди, аёллар ҳам эри вафот қилса турмушга чиқар эди, агарчи ёши катта бўлса ҳам, Бу нарса инсонларни кўзига айбдек, қабиҳ кўринмас эди. Бундай ярамас одатлар миллатимизга зарар бериш, зинони, фасодни кўпайтириш учун киргизилган. Биз Ислом қандай кўрсатма берган бўлса шуни тутишимиз керак. Шунда бахтли яшаймиз.

Каналга обуна бўлиш!👇

https://t.me/joinchat/AAAAAEyBjoPbuHeDVXCzjA

💎ФОЙДАЛИ ЎҒРИЛАР

Шундай ўғрилар борки биздан ўғирлайдиган нарсаларини кўпроқ ўғирлашларини жон деб истаган бўлар эдик...

Бу ўғрилар бизнинг гуноҳларимизни ўғирлашади... Яна қандай йўл билан?!

🗯Ортимиздан завқланиб ғийбат қилиш билан,
🗯Завқланиб туҳмат қилиш билан,
🗯Яйраб иғво қилиш билан гуноҳларимизни «шилиб кетишаркан»...

Биз эса катта-катта гуноҳларимиз тунаб кетилганлигидан гоҳида бехабар 🤷🏻‍♀️🤷🏻‍♂️ ҳам қоламиз. Агар билганимизда эди, ўша ўғриларга раҳматлар айтган бўлардик... 🎁

📜 Ҳасан Басрий роҳимаҳуллоҳ ўзларининг ғийбат қилинганликлари ҳақидаги хабарларни хушхабар сифатида қабул қилар эканлар...

🗯 Сизни ғийбат қилишяптими?
🗯 Иғво қилишяптими?
☹️ Хафа бўлиб ўзингизни сиқманг...
Балки хурсанд бўлинг...😊
Гуноҳларингизга ЎҒРИ тушди!

Каналга обуна бўлиш!👇

https://t.me/joinchat/AAAAAEyBjoPbuHeDVXCzjA

🏡 ОИЛА - АЪЗОЛАРГА ТАЪРИФ

👳‍♂ Ота...

🌴 Ундан пайдо бўлдингиз.
Сизнинг аслингиз.
Ризоси хотиржамлик, итоати сакинат, хизмати саодат, оқ қилиши шақоват - бадбахтликдир.
Уни рози қилиш Роббни рози қилиш йўлларидан бири.

🧕 Она...

🌹 Жаннатни унинг оёқлари остидан қидир.
Унинг дуоси боқий хазина.. Ризоси офатсиз бахт,
Бағрига бош қўйиш, роҳат, Хизмати бош устидаги тождир.
У фазилатларнинг энг буюги, саодатнинг калити.

🧔 Эр...

⚔ Уйнинг ҳимоячиси, ҳам камони ҳам ўқи, улфат қўрғони, муҳаббат дарёси, ҳузури бахт, йўқлиги машаққат.
Тонг у билан мунаввар, борлиги шараф, қайинлар, қариндош - уруғ ўрасида обрўдир.
Хонадон у билан обод, йўқ бўлса барбоддир.

🤱Аёл...

🌸 Сизга паноҳ, маскан.
Қуршаб олувчи бахт.
Беркитувчи сатр,
Ўз бағрига олувчи ин, Муаттар қилувчи атир, унга қараш билан ғамлар арийди.
Борлиги меҳр - муҳаббат... у сен, сен эса у - сан.

🙍‍♂ Ўғил...

🔍 Ўзингни кўрсатгувчи кўзгу, ўз аксинг!
Болалиги қувонч,
Йигитлиги фахр,
Белинг букилганда суянч, Қаҳр етганда мададдир.

👧 Қиз...

🌷 Тарбиясини гўзал қилсанг, дўзахдан қалқон.
Меҳри жозибали.
Фарзандлар ичида энг яқини, Сен учун энг куйинчаги.
Сенга нима кераклигини яхши билади.

👬 Ака - ука...
💪 Сенинг соянг! Душманларинг сенга зарар беришидан доим хавотир олади. Болалигингда энг яқин дўстинг! Улғайганда белинг қуввати!

🌷🌷Опа - сингил...

🍯 Насиҳати малҳам... Унга боғланиб (силаи раҳм) савоб қозонасан!
Эрининг олдида фахрисан. Ҳожатлари олдида мададкорсан!

📌 Қариндошлик алоқаларини асло узманг! Уни мустаҳкамланг! Фоний дунёда улар сабаб боқий бахтни қўлга киритинг!!!
© Умму Абдуллоҳ


Каналга обуна бўлиш!👇

https://t.me/joinchat/AAAAAEyBjoPbuHeDVXCzjA

КАЛТАКДАН ҲАМ ҚАТТИҚРОҚ ЖАЗО

- Ҳаким зотлардан бири, таёқ билан аёлини ураётган эркакнинг олдидан ўтиб қолди.

- Унга: Таёқ билан ҳайвонларга жазо берилади, аёлга, аёл билан жазо берилади деди. (яъни хотинни ўнгланиши учун иккинчисига уйлан демоқчилар)

Бу эркак уришдан тўхтаб: Тушунмадим? деди.

- Хотин гапни қаерга боишини тушуниб дарров: Бу ахмоқга эътибор берманг уринг, ураверинг...деб эрини ҳакимдан машғул қилди.

▪️Аёллар учун энг яхши жазо нима эканлигини тушундингиз! 😊

Каналга обуна бўлиш!👇

https://t.me/joinchat/AAAAAEyBjoPbuHeDVXCzjA

Бисмиллаҳ…
❗️ЖУМА ҲАҚИДА:
#ўқинг

Аллоҳ таоло айтади:
"Эй иймон келтирганлар! Жума кунидаги намозга чорланган пайтда Аллоҳнинг зикрига шошилинг ва савдо (тижорат сиёсат, мактаб, ўқувчи, ўқитувчилик директорлик, вазирлик, пракрорлик) ни қўйинг. Агар билсангиз, ана шу ўзингиз учун яхшидир"
(Жума сураси 9- #оят).

♻️Изоҳ: Кўпчилик Жумага бормайдиганлар тижоратини, ёки қандайдир бир касбини, мансабини ташлаб кета олмаслигини баҳона қилади. Борсам ишим тўхтаб қолади, бошлиғимдан гап эшитаман ёмон бўлади ваҳо казо деб баҳона қилади.
Аммо Аллоҳ таоло жумага келинглар сизлар учун шу яхшидир деяпти. Сиз ожиз ақлингизга ва шайтоннинг, инсондан бўлган шайтонларнинг вас васаларига ишонманг, жумага боринг Аллоҳ бошлиғингизга инсоф беради ёки инсофли бошлиқ беради, тижоратингизга барака беради. Бошлиғингиздан қандай қилиб бўлмасин жавоб олинг, жавоб бермаса, бошлиғингизнинг бошлиғи Аллоҳ таолога итоат қилиб жумага боринг. Роббингизни буйруғига итоат қилинг исён қилманг. Аллоҳ қолган ишларингизни ўнглайди. Аллоҳ таоло оятда дунёда ёки охиратда сизларга яхши бўлади деб қайдламади. Демак жумага борсак Аллоҳ ҳам дунёмизни ҳам охиратимизни обод қилар экан. Жумани қўлдан чиқарманг.

❗️ЖУМАГА БОРМАСА.

⚜ Абу Жаъд аз-Зомрий розияллоҳу анҳудан ривоят қилинади:
"Набий соллаллоҳу алайҳи васаллам: "Ким писанд қилмай уч жумани тарк этса, Аллоҳ унинг қалбига муҳр босади" , дедилар".
(Сунан" эгалари ва Ҳоким #ривояти)

♻️Изоҳ: Огоҳ бўлингким қалбига муҳр босилишлик кофир, мунофиқларнинг сифатидир. Яъни Аллоҳ Кофирларни қалбига муҳр босгандир. Аммо жумани тарк қилишлик шунчалик катта гуноҳ бўляптики шу сабабдан мусулмоннинг қалбига ҳам муҳр босиляпти.

❗️Қалби муҳрланди нима дегани: Ислом, иймон, дин ҳақида, Аллоҳ ҳақида эшитгиси келмай қолади, эшитса юраги сиқилиб кетаверадиган бўлиб қолади. Аммо гуноҳ, фуҳш нарсаларни қанча эшитса, қанча кўрса мазза қилаверади. Гуноҳ қилиб мазза қиладиган (жаҳаннамий) бўлиб қолади. Лекин ўзи буни сезмайди, ўзига катта баҳо бериб юради. (Аллоҳ ҳаммамизни сақласин).

❗️ ЖУМАГА БОРМАСЛИКГА РУХСАТИ БОРЛАР.

⚜Ториқ ибн Шиҳобдан ривоят қилинади:
"Набий соллаллоҳу алайҳи васаллам: "Жамоат ила жума (ўқиш) ҳар бир мусулмонга ҳақдир, вожибдир. Илло, тўрт тоифа бундан мустасно: мамлук қул, аёл киши, ёш бола ва бемор", дедилар".
(Абу Довуд #ривояти)

♻️Изоҳ: Агар сиз қул ёки хотин киши ёки вояга етмаган ёш болакай ёки жумага боролмайдиган даражада касал бўлсангиз, жумага бормасангиз сизга гуноҳ бўлмайди. Аммо шу тўрт тоифадан бўлмасангиз Жумага бориш сизга ҳақ бўлади. Бормасангиз қаттиқ гуноҳкор бўласиз.

❗️Яна бир нуқта: Бизга ҳадисни шайтон ёки чаламуллалар нотўғри тушунтирмасин. Бу ерда Пайғамбаримиз бу тўрт тоифа жумага келмасин демаяптилар. Жумага келмаса гуноҳ бўлмаслигини айтябдилар. Пайғамбаримиз замонида Аёллар, ёш болалар, беморлар жумага келар эди. Бу тоифадаги инсонлар ҳам жумага келишликга ҳаракат қилса фазилат бўлади. Аммо келмаса гуноҳкор бўлишмайди.
Валлоҳу алам. (Абу Холилуллоҳ)

#УЛАШИНГ 📲

Каналга обуна бўлиш!👇

https://t.me/joinchat/AAAAAEyBjoPbuHeDVXCzjA

✨ ОТА ОНАГА ҲУРМАТ КЎРСАТИШНИНГ 32 ЙЎЛИ.

✔️ 1. Уларни олдида телефонингиз билан машғул бўлманг.

✔️ 2. Улар сизга гапираётганда эътибор билан тингланг.

✔️ 3. Уларни фикрини ҳам эътиборга олинг. Фақат ўзизникига кўра иш қилманг.

✔️ 4. Уларни суҳбатларига қатнашиб туринг, агарчи вақтингиз оз бўлса ҳам.

✔️ 5. Уларга ҳурмат билан қаранг.

✔️ 6. Уларга шукр қилинг.

✔️ 7. Уларга ўзингиздаги яхши хабарларни етказиб туринг.

✔️ 8. Уларга ёмон хабарларни етказишликдан иложи борича сақланинг.

✔️ 9. Уларнинг дўстлари билан яхши алоқада бўлинг.

✔️ 10. Уларни сизга қилган яхшиликларини доим эслаб туринг ва баъзан ўзларига айтиб беринг.

✔️ 11. Улар ҳақидаги ёмон хотираларни ичингизда кўтариб юрманг.

✔️ 12. Уларни олдида махфий суҳбат қуришдан сақланинг.

✔️ 13. Уларни фикрларини паст санаманг.

✔️ 14. Улар гапириб турганларида ҳеч қачон сўзларини бўлманг.

✔️ 15. Уларни ёшларини этиборга олинг. Инсон кексайса бироз инжиқ бўлиб қолади, бундан аччиқланманг.

✔️ 16. Уларнинг кўз олдида невараларини жазоламанг.

✔️ 17. Уларни насиҳатларига аҳамият беринг, беписандлик қилманг.

✔️ 18. Оилада уларни оилабошидек кўринг. Ва шунга кўра муомала қилинг.

✔️ 19. Уларга ҳар қандай ҳолатда овозингизни кўтариб гапиришдан сақланинг.

✔️ 20. Улар кетаётганларида йўлларини кесиб ўтманг.

✔️ 21. Таомни улардан олдин тановул қилишни бошламанг. Улардан кейин ейишни бошланг.

✔️ 22. Уларга қовоғингизни солиб хўмрайиб қараманг.

✔️ 23. Сизни жаннатингиз улар эканлигини айтиб, уларни севинтириб туринг.

✔️ 24. Уларга орқангизни қилиб ўтирманг.

✔️ 25. Уларни камчиликлари ҳақида гапирманг. Камчиликларини ёпишга ҳаракат қилинг.

✔️ 26. Уларни ҳақларига доим дуода бўлинг.

✔️ 27. Уларни олдида қайғули ғамгин кўринишдан сақланинг. Чунки улар сизни бу ҳолатда кўриб сизданда бир неча баробар кўп сиқилишади.

✔️ 28. Улар хато қилишганда, хато гап гапиришганда кулманг ёки тиржайманг.

✔️ 29. Уларни эҳтиёжларини айтишларини кутманг. Эҳтиёжларини айтишларидан олдин бажаринг.

✔️ 30. Уларни доимий равишда зиёрат қилиб туринг.

✔️ 31. Улар билан гаплашганингизда сўзларингизни танлаб одобли калималар истемол қилиб худди бошлиғингиз билан гаплашгандек гаплашинг. Ўртоқларингиз билан гаплашгандек гаплашманг.

✔️ 32. Уларга ёқадиган исмларни айтиб гаплашинг. Масалан: Меҳрибоним (ваҳо казо).

❗️Унутманг агар сиз шу одобларга риоя қилсангиз, Аллоҳни ҳам ота-онингизни ҳам рози қиласиз. Аллоҳ таоло келажакда фарзандларингизни сизга, шундай муомала қилдиртириб, меҳрибон қилиб қўяди.

💠 Пайғамбаримиз алайҳиссалом айтадилар: «Ота-(она)ларингизга яхшилик қилинг. Фарзандларингиз сизга яхшилик қилади...»
(📔 Ҳоким ривояти)

- Аллоҳ таоло сизни ўқиганларингизга амал қилишга ҳидоят қилсин! 🤲

ЯҚИНЛАРИНГИЗГА УЛАШИНГ

Каналга обуна бўлиш!👇

https://t.me/joinchat/AAAAAEyBjoPbuHeDVXCzjA