Mazkur qaror bilan:
☑️O‘zgalar parvarishiga muhtoj yolg‘iz keksalar va nogironligi bo‘lgan hamda ularni kuzatuvchi shaxslarga davlat sport tadbirlariga, teatrlarga va muzeylarga kirish bepul etib belgilanmoqda.
☑️Nogironligi bo‘lgan shaxslar “Inson” ijtimoiy xizmatlar markazi yo‘llanmalariga asosan davlat mulkida bo‘lgan jismoniy tarbiya-sog‘lomlashtirish va sport inshootlarida tashkil etilgan sport to‘garaklarida bepul shug‘ullanadi.
☑️Shuningdek, o‘zgalar parvarishiga muhtoj shaxsning yashash joyida dezinfeksiya va dezinseksiya tadbirlari tuman (shahar) sanitariya-epidemiologik osoyishtalik va jamoat salomatligi bo‘limlari tomonidan bepul amalga oshirilishi belgilanmoqda.
⚡️ Shu bilan bir qatorda, ijtimoiy xodim assistentlari va ishchi guruh tarkibidagi tuman tibbiyot birlashmasi xodimlariga bir qator imtiyozlar joriy e’tilmoqda:
1️⃣ ijtimoiy xodim assistentlariga budjet mablag‘lari hisobidan bazaviy hisoblash miqdorining bir baravari miqdorida yo‘l haqi uchun kompensatsiya to‘lanadi;
2️⃣ ijtimoiy xodim assistentlariga o‘zgalar parvarishiga muhtoj shaxsga ko‘rsatilgan hamrohlik xizmatlari uchun bazaviy hisoblash miqdorining 10 foizi miqdorida qo‘shimcha kompensatsiya to‘lanadi;
3️⃣ tuman (shahar) tibbiyot birlashmasi oilaviy shifokorining o‘zgalar parvarishiga muhtoj shaxslarning muhtojlik darajasi va yashash sharoitlarini baholovchi ishchi guruh tarkibidagi hamda tuman tibbiyot birlashmasi xodimining multidissiplinar guruhdagi faoliyati ularning ish yuklamasiga kiritiladi.
📝 telegram 💻 instagram
📝 facebook 🐧 xcom
🎞 youtube 🎖 ihma.uz