Кечки романтика
Муаммолар пайдо бўлдими? Ҳал этамиз!
Турмуш ўртоғингиз билан келиша олмай қолдингизми? Эҳтимол, хатти – ҳаракатлари, муомаласию ўзини тутиши шубҳага солаётгандир? Чиндан шундай бўлганида ҳам ҳовурингиздан тушинг-да, ўзингизни қўлга олинг! Қўрққанга қўш кўринади деган иборани эшитибмидингиз? Айни дам сизда ҳам шундай кайфият. Муаммолар ётоққача кириб келган тақдирида ҳам ақл билан иш кўринг! Тентаклик қилсангиз борми, жуфтингиз кўз ўнгида ҳурматингизни йўқотасиз бу бир, қолаверса сизга нисбатан меҳри ҳам сўниб боради бу икки!
«Мен уни қизиқтира оламан!»
Жинсий яқинлик масаласида эҳтиросларнинг қай тариқа ифодаланиши ўзингизга бўлган ишончга боғлиқ.
Бордию «Эрим мен билан қизиқмай қўйди» деган кайфиятда бўлсангиз, хаёлларингиз тез орада ҳаётга кўчади. Негаки, онг остида ҳосил бўлган ахборот руҳиятингизни ҳам қамраб олади. «Ҳамиша севимли ва исталган аёлман!» дея ёндашинг ўзингизга. Мана кўрасиз, ўзингизга нисбатан муносабатингиз ўзгаради. Қолаверса, ёрингиз ҳам жонланади.
Жу-у-да кичик...
Нима экан дейсизми? Туйғуларингиз ифодаси-да! Ҳадеб «Нима қилаяпсиз», «Ёнингизда кимлар», «Нима еяяяпсиз» дея «СМС» ёзинг демаймиз, аммо...
Туйғуларингиз ифодаси-да! Ҳадеб «Нима қилаяпсиз», «Ёнингизда кимлар», «Нима еяяяпсиз» дея «СМС» ёзинг демаймиз, аммо ҳар замон шунчаки «Сизни соғиндим» деб йўқлаб қўйинг. Ортиқча изоҳга ҳожат ҳам йўқ. Иштаҳасини қитиқлай олган бўлсангиз, жавоб қайтаради. Бу эса ўйинни давом эттириш учун яхши баҳонадир. Акси бўлса ҳам ранжиманг, уйга қайтгач, жонли ижрога гал келади.
Кутилмаган совға!
Юзага келган хафагарчиликка нуқта қўйиш учун жуфтингизни бирор совға билан хурсанд этишингиз мумкин.
Мисол учун эркаклар ичкийим(!) Атай танага ёпишиб турадиган, жуфтингиз фойдаланмайдиган ҳилидан танланг. Бирор ерида «маъноли» белгиси бўлса ҳам айни муддао. «Сиз учун олгандим, бир кўринг-чи, менимча ярашади» шугина жумла холос. Рад этса чекинманг «Сизни шу ҳолатда тасаввур қилгандим ўзимча, аттанг, қандай режаларим бор эди-я» деб илмоқ ташлаб қўйинг. Балким кайфияти йўқдир ёки яна бошқа сабаблар, ўзига келганида албатта таклифингиздан сўз очади. Муҳими, унинг учун ҳаракат қилаёганингизни билади.
Олишманг!
Битта гапдан қолган аёл ҳамиша ютади! Айтайлик, ўн кундан бери муносабатлар йўқ...
Кўнглига қўл солсангиз, ишдаги муаммолару, толиққанини айтиб, мавзуга нуқта қўйяпти. Нима қиласиз? Лабингизни буриб, қовоғингизни уйишга шошилманг, яхшиси бирор бежирим ичкийимингизни кийинг-да, одатдагидек жойингизга чўзилинг. Қарамайдими? Қараймай кўрсинчи!
@ideal_ayol_siri🍃🌹🍃