Laylo Rustamova

Тасаввур қиляпман 9 ой юзлаб болани минг хил характери, шўхлиги ва бақир-чақирига сабр қилган ўқитувчилар ваниҳоят 3 ой улардан дам олиш онларини қандай кутишларини😂 Шахсан ўзим мактабга борсам шовқинидан бошим айланиб қолади

Хуллас ҳурматли устозлар яна оооозгина қолди 💪

Болларимизга сабр қилганинглар учун раҳмат, борингларга шукр😇

P.S. Ширин қизим олган суратдан илҳомланиб ёзгим келди

Ҳар сонияда бутун дунёда 900 дан ортиқ киберҳужум уринишлари рўй берар экан. Демак, киберхавфсизлик мутахассислари — бу ҳақиқий "рақамли қаҳрамонлар", улар миллионлаб одамлар ва компанияларнинг хавфсизлигини реал вақтда ҳимоя қилади. Ва ўз-ўзидан ушбу мутахассисларга талаб катта бўлади🤝

Жорий йилда айнан шу йўналишда мутахассисларни тайёрлайдиган Cyber University Олий таълим даргоҳи илк бор талабалар қабулини амалга оширади.

Шу муносабат билан университетда Очиқ эшиклар куни ташкил қилинаётган экан. Агар орангизда ўзи ёки фарзанди киберхавфсизлик йўналишига қизиқаётганлар бўлса у ҳолда бориб университет билан танишишлари ва ўзини қизиқтирган саволларга жавоб олишлари мумкин экан.

Манзил ва сана: Тошкент вилояти, Нурафшон шаҳри,
2025 йил, 15 май соат 11:00 да

Университет локацияси

Кеча ишдан чарчаб уйга келсам, кранда совуқ сув йўқ. Таъмир ишлари сабабли совуқ сувни ўчиришган экан. Бор-йўғи бир кеча, лекин асрга татигулик... Сувсиз жуда қийналдик: овқат тайёрлаш, идиш ювиш, шунчаки қўл ювиш ҳам катта муаммога айланди. Ҳозир қизимдан совуқ сув келдими деб сўрадим, Алхамдулиллах келибди, Иллоҳим изни ҳеч қачон тарк этмасин...

Кўпинча сувни ўз-ўзидан бор, ҳеч тугамас ресурсдай қабул қиламиз. Кранни бурадик ҳаммаси муҳайё. Кеча яна бир бор бутун дунёда миллионлаб одамлар ҳар куни сув танқислигида яшаши ҳақида ўйладим, ҳатто ўзимизнинг чекка ҳудудларда ҳам шу муаммо бор, челакда сув ташиб юришади.

Аслида сувни ўта тежжамкорлик билан ишлатишга ҳаракат қиламан, идиш юваётганда ҳаммасини идиш ювадиган восита билан ишқалаб олгунча ёпиб тураман, тиш қўл юваётганда ҳам жўмракларни ёпиб тураман. Қизларим ҳам шунга амал қилишларини талаб қиламан. Бироқ шундай бўлса ҳам биз сувни жуда кўп исроф қилишимизни биламан. Кўчада шланк ёқиб тоза сув сепаётганларни кўрсам, ғазабланмай гапирмай ўтолмайман.
⠀
💧 Сувни авайланг. Тиш ювганда кранни ёпинг. Ортиқча оқиб ётмасин. Кир ювиш машинасини тўлиқ тўлмай туриб ишга туширманг ва ҳоказо сувни тежаса бўладиган ҳолатлар кўп ва буни яқинларимга гапиришдан чарчамайман. Кичкина одатлар ҳам катта ўзгаришларга сабаб бўлади.

Сиз ҳам сувни қанчалик исроф қилишимиз ва у битмас-туганмас неъмат эмаслиги ҳақида ўйлайсизми?

Фарзандингиз халқаро олимпиадада иштирок этиб, Нью-Йоркка боришини истайсизми?!

Илк бор Ўзбекистонда ташкил этилаётган COPERNICUS Олимпиадаси шундай имкониятни берар экан!

Тиниб тинчимаган Sardor Bazarbaevнинг KHISO Олимпиада мактаби ушбу Олимпиадани Ўзбекистонда ўтказиш бўйича ташкилотчилари билан келишув имзолабди.
54 давлатдан 1-11-синфгача бўлган барча мактаб ўқувчилари иштирок этиши мумкин бўлган Олимпиаданинг финал босқичи июль ойининг охирида АҚШнинг Нью-Йорк шаҳри Kolumbia университетида бўлиб ўтар экан🤩

Биз ҳам Шахлонинг билимларини яна бир бор синовдан ўтказиш мақсадида Олимпиадада рўйхатдан ўтдик. Қизимни дуо қилиб қўйинг ва сиз ҳам фарзандингизнинг омади ва билимини халқаро даражада синовдан ўтказиш имкониятини қўлдан бой берманг!

Батафсил маълумот шу ерда: https://t.me/khiso/4857

Бир қарашда оддий, аммо жуда кўп нарса ҳақида гапираётган манзара. Бу ёшлар бир жамоа бўлиб қаердандир келишди ва ниманидир кутишяпти...😄 Улар гўёки бирга, лекин бир бирларидан жуда йироқда...

Афсуски, биз ёнимиздаги одамлар билан бирга бўлгандан кўра, онлайн бўлиш муҳимроқ бўлган замонда яшаяпмиз.

Бу олган суратим аслида ҳаммамизнинг бугунги аксимиз...

Муҳокама қилмоқчи эмасман. Кўпинча дўст ва яқинлар билан кўришганда ҳаммамиз телефонга қараб ўтиришга одатланиб қолдик...

Балки бир лаҳзага бошни кўтариб, ёнимиздаги одамлар билан бирга бўлишга ҳаракат қилиб кўрармиз?..😔

Кўпинча ўйлаб қоламан: ота-оналар — бу боланинг келажагини шакллантирадиган биринчи "меъморларидир".


Айнан улар биринчилардан бўлиб бизга ёки имкониятларимиз чегарасини ёки, аксинча, чегарасизлигини кўрсатишади.

Кимдир болалигидан: ❌«Бу сен учун эмас» деган гапларни уқтирса, яна кимдир ✅«Буни албатта уддалайсан» деган фикрни сингдиради.

Бугун мен ота-онанинг қўллаб-қувватлаши, ёки бу қўллаб-қувватлашнинг йўқлиги — касб танловига, ўзига ишончни ҳис қилишга ёрдам беришини яна бир бор англадим.

Энг керакли нарса — бу болага ишонч бериш ва тўғри йўл кўрсата билишдир.
Қорақалпоғистонда мен танишган оила айнан шундай фарзандларига тўғри йўналиш, таълим ва тарбия берган оилалардан. Ҳозирда уларни бевосита таниган ҳар бир одам фарзанди айнан АйТи соҳаси билан шуғулланишини исташади.

Қорақалпоғистонлик Бахт ва Саодат исмли дастурчи қаҳрамонларимнинг ҳар иккалалари ҳам дастурчилар билан оила қуришган. Уларнинг бири турмуш ўртоғи билан бугун Германияда ишлайди бири эса аёли билан Америкада фрилансер сифатида фаолият юритади.

Ҳар икки қаҳрамонларимнинг тиббиёт йўналишида грант асосида таҳсил олган сингиллари Гўзал ҳам ака-опасидан ортда қолмаслик учун келажагини айти соҳаси билан боғламоқчи.

Дастурчи қаҳрамонларимиз билан танишар эканман уларнинг ота-оналари билан фарзнад тарбияси борасида суҳбатлашиш истаги туғилди ва шу мақсадда уларнинг хонадонларига Нукусга бордик.

Тез кунларда бу оила билан суҳбатимизни эътиборингизга ҳавола этаман.

Ҳар биримизга фарзандларимиз келажагининг чиройли меъморлари бўлиш насиб қилсин Иллоҳим🤲

Китоб ўқиб, отасига автомобиль олиб берган бўлажак дастурчи қиз

Муҳаммад ал-Хоразмий номидаги ихтисослаштирилган мактабнинг 8-синф ўқувчиси Дилбархон Ҳайдарова “Ёш китобхон” танловида ғолиб бўлиб Президент совғаси — BYD электромобили соҳибасига айланди.

Дилбар АКТга ихтисослашган мактабда ўқийди ва келажакда дастурчи бўлишни орзу қилади. Унга бу йўлдаги энг яхши “кодлар”дан бири — китоб ўқиш деб билади. Ҳар куни ўртача 20 бет китоб мутолаа қилиш унга одатга айланган.

Ўтган ёзда у 30 дан зиёд китоб ўқиб, китобхонлик танловида омадини синаб кўрди.

— Танловда иштирок этиш учун китоб ўқидингизми ёки китоб ўқиганингиз учун танловда иштирок этдингизми? — деган саволимизга у "Ҳар иккаласи ҳам", дея жавоб берди.

Дилбардан синфдошларининг унинг ютуғига муносабати ҳақида сўрадим.

Нафақат синфдошларим балки бошқа кўплаб тенгдошларим китобхонлик танловларига қизиқишни бошлашди. Улар ҳозирча электромобилга қизиқиб китоб ўқишяпти, лекин ишонаманки, бу одат уларнинг ҳаёт тарзига айланади.

Автомобилингизни нима қилдингиз, деб сўраганимда, Дилбар уни отасига берганини айтди 😍👏 Ота-она учун бунданда ортиқ бахт борми?!

Дилноза сингари илмли ва ўқишга иштиёқи юқори бўлган қизларимиз сафи кенгаяверсин! "Ёш китобхон" танловининг бу йилги барча ғолиблари қизлар эканлиги қувонарли.

“Бу дунёда тўғри яшашдан айрича мукамаллик мавжуд эмас”

“Муваффақиятли инсонларнинг 7 кўникмаси” китобидан

Ютуб каналимнинг 500 обуначиси Жиззах вилояти Шароф Рашидов тумани Қаҳрамон маҳалласи Ёшлар етакчиси Дилшод Абдусатторов бўлдилар.

Ваъдага мувофиқ уларга китобни етказишим ҳақида айтганимда, бу китобдан уларнинг кутубхоналарида 7 дона борлиги сабабли китобга эҳтиёжи бўлган бошқа бирор инсонга берсам ҳурсанд бўлишларини билдирдилар.

Агар китоб Сизга қизиқ бўлса нечанчи бўлиб каналимга ёзилишингиздан қатъий назар уни сизга бераман.

Агар сизда Ютуб профилингиз бўлмаса ва каналга обуна бўла олмасангиз ҳам китобни нима учун сизга беришим ҳақида ёзсангиз уни сизга етказаман😇