Umid Nihollari Sport musobaqasining tuman bosqichi boshlanadi.
Bugun maktab o‘quvchilari o‘rtasida "Umid Nihollari" sport musobaqasining tuman bosqichiga start berildi. Ushbu musobaqada tuman maktablarining 9-11-sinf o‘quvchilari voleybol va basketbol turlari bo‘yicha, 1-4-sinf o‘quvchilari esa mini futbol bo‘yicha o‘z kuchlarini sinovdan o‘tkazishmoqda.
Musobaqa yosh avlodni sog‘lom turmush tarziga jalb qilish, sportga bo‘lgan qiziqishni oshirish va jamoaviylik ruhini shakllantirish maqsadida tashkil etilgan. Ishtirokchilar g‘alabaga bo‘lgan ishtiyoq va yuqori sport mahorati bilan maydonga chiqishmoqda.
Musobaqaning keyingi bosqichlariga eng yaxshi jamoalar yo‘l olishi kutilmoqda.
Hazorasp tumani Maktabgacha va maktab ta'limi bo'limi Matbuot xizmati