#мулохаза
У китоб ўқиётганда сен компютер ўйинлари, биллиярд ва шунга ўхшаш нарсалар билан банд эдинг. У алгебрадан мисоллар ишлаётганда, сен дарслардан қочардинг. У Навоий ғазаллари, Пушкин шеърларидан ёдлаб хотирасини чиниқтираётганда, сен «узр устоз, кейинги сафар ёдлаб келаман» деб устозни алдардинг. У дарсдан кейин қолиб, кутубхонада дарс қилаётганда 3-4 та кейинчалик сен билан Россияга қора меҳнатга бирга кетадиган ўртоқларинг билан унинг очкисини эрмаклардинг. У 5 баҳо олганда сен эркакнинг баҳоси 3 бўлади деб овутардинг ўзингни, ўғил бола.
У тинмади, энг яхши ўқишларда ўқиди, ҳаётини йўлга қўйди.
У гўзал рафиқаси билан энг яхши ресторанларда, пианино остида ширин овқатлардан емоқда, сен эса Россияда иш берувчинг нима овқат берса шунга розисан. У билан катта мансабдорлар ҳам ўйланиб гаплашади, сен эса ҳаёт қийинлашиб кетди, давлат қаерга қараяпти деб айбни бошқалардан излайсан. У яхшигина ойлик, хизмат машинасида юрибди, сен эса ноқонуний юрганинг учун чет эл полицияси ушлаб олишидан ҳавотирдасан. У бемалол мустақил ҳаракатланадиган бургутга айланди, сен эса бориб ароқ ичадиган шанбалигингга ҳам пулни дадангдан сўрайсан.
Лекин у сенинг устингдан кулмайди. Биласанми нега? Чунки, бунга биринчидан вақти йўқ, иккинчидан у сен эмас. Унинг ҳар бир соати режа бўйича кетмоқда. Мақсадларига эришиши керак. Энди сенга маслаҳат, фарзандингни яхшилаб тарбияла, очкилик болаларнинг устидан кулмасин бл...! Айтганини қилади улар.
Азиз ўқувчилар, сизлар эса танловда адашманг, танлов доимгидек сизда.
Ⓜ️Зафар Солижонов.
@Hayollarim_official
