Qorong'u Yevropa va Oltin Islom: Sivilizatsiyalar Qarama-qarshiligi

Tarixda turli davrlar sivilizatsiyalarning gullab-yashnashi yoki inqirozi bilan ajralib turadi. 5–15-asrlar oralig‘ida Yevropa "Qorong'u davr" (Dark Age) deb nomlanuvchi bosqichdan o‘tar ekan, Islom dunyosi esa "Oltin davr" (Golden Age) deb nomlanuvchi ilm-fan va madaniyat rivojining cho‘qqisiga chiqdi.

Yevropada Rim imperiyasining qulashi (476-yil) natijasida markazlashgan boshqaruv barham topdi, savdo pasaydi, feodalizm hukm surdi va ilm-fan rivoji sustlashdi. Ko‘pgina qadimiy bilimlar unutilib, diniy dunyoqarash hukmronlik qildi. Aksincha, Islom dunyosi aynan shu davrda falsafa, matematika, astronomiya, tibbiyot va muhandislik sohalarida ulkan yutuqlarga erishdi. Bag‘dod, Kordova va Samarqand kabi shaharlar ilm markazlariga aylangan bo‘lsa, Ibn Sino, Al-Xorazmiy va Al-Farg‘oniy kabi olimlar dunyo ilm-faniga beqiyos hissa qo‘shdi.

Ushbu qarama-qarshi jarayonlar insoniyat tarixining murakkabligidan dalolat beradi. Yevropa keyinchalik Uyg‘onish davriga yetib kelgan bo‘lsa, Islom olami turli sabablarga ko‘ra o‘zining avvalgi qudratini yo‘qota boshladi.

rel='nofollow'>Https://t.me/tarixi_dunyo