Фарғона

Уч кун дам олинади

Қонунчиликка кўра, жорий йил 8 декабрь — Конституция куни якшанба — дам олиш кунига тўғри келиши муносабати билан ушбу дам олиш куни 2024 йил 9 декабрь — душанба кунига кўчирилади.

Шундай қилиб, ўзбекистонликлар шанба, якшанба ва душанба кунлари  — уч кун дам олади.

https://t.me/joinchat/AAAAAFIrIqqmCS1FiTcIZQ

Ходимларга 11 ноябрь - Ўзбекистон касаба уюшмалари куни билан мукофот берса бўлади!

Ҳа, албатта бериш мумкин. Бу ташкилотнинг меҳнат ҳақидаги бошқа ҳуқуқий ҳужжатларига  боғлиқ.

МК 24-моддасига кўра, иш берувчи ходимларни ҳалол самарали меҳнати учун рағбатлантириш ҳуқуқига эга.

МК 299-моддасига кўра, ишдаги ютуқлар учун ходимга нисбатан рағбатлантириш чоралари қўлланилиши мумкин. Рағбатлантириш турлари, уларни қўллаш тартиби жамоа келишувларида, жамоа шартномасида, ички меҳнат тартиби қоидалари ҳамда меҳнат тўғрисидаги бошқа ҳуқуқий ҳужжатларда ва меҳнат шартномасида белгиланади.

МК 13-моддасига кўра, меҳнат ҳақидаги бошқа ҳуқуқий ҳужжатларда ходимлар учун меҳнат тўғрисидаги қонунчиликда белгиланганига нисбатан қўшимча ҳуқуқлар ва кафолатлар назарда тутилиши мумкин.

МК 12-моддасига кўра, меҳнат ҳақидаги бошқа ҳуқуқий ҳужжатлар қуйидагилардан иборат:
жамоа келишувлари;
жамоа шартномалари;
иш берувчи томонидан касаба уюшмаси қўмитаси билан келишувга кўра қабул қилинадиган ички ҳужжатлар;
ички ҳужжатлар, шу жумладан иш берувчи ўз ваколатлари доирасида якка ўзи қабул қиладиган якка тартибдаги ҳуқуқий ҳужжатлар.

Диққат! Агар ташкилотнинг ички ҳужжатларида фақат МК 208-моддасида назарда тутилган, 9 та ишланмайдиган байрам кунидагина ходимларни мукофотлаш назарда тутилган бўлсачи? Ёки ташкилотнинг ички ҳужжатларида ходимларни умуман мукофотлаш назарда тутилмаган бўлсачи?

Бу ҳолатда иш берувчи гарчи ички локал ҳужжатларда назарда тутилмаган бўлсада, ходимларни рағбатлантириши мумкин.

Чунки, юқорида таҳлил қилиб ўтганимиздек, иш берувчи ўз ваколатлари доирасида якка ўзи қабул қиладиган якка тартибдаги ҳуқуқий ҳужжатлар — буйруқлар, фармойишлар, қарорлар ҳам меҳнат ҳақидаги бошқа ҳуқуқий ҳужжат ҳисобланади!

Буджет ташкилотлари ҳам ўзларининг буджетдан ташқари маблағлари ҳисобидан ходимларни 11 ноябрь Ўзбекистон касаба уюшмалари куни билан мукофотлашлари мумкин!

https://t.me/joinchat/AAAAAFIrIqqmCS1FiTcIZQ

Жорий йилнинг 1 ноябрь кунидан бошлаб, ойлик базавий меъёрлар иситиш мавсуми учун мўлжалланган шкалага ўтади. Бу ҳақда "Hududgaztaminot" АЖ Матбуот хизмати хабар қилди.

Қайд этилишича, ижтимоий норма миқдори 100 м3 дан- 500 м3 га оширилади. 

Ноябрь, декабрь, январь ва февраль ойларида бир ойлик меъёрлар қуйидаги тартибда бўлади:

500 м3 гача — 650 сўм (1 м3 газ учун)
501 м3 дан 2500 м3 гача — 1500 сўм
2501 м3 дан 5000 м3 гача — 1950 сўм
5001 м3 дан 10000 м3 гача — 2275 сўм
10001 м3 ва ундан юқори — 2600 сўм

https://t.me/joinchat/AAAAAFIrIqqmCS1FiTcIZQ

Фарғона вилояти ҳокимининг 2024 йил 29 октябрь куни “Шаҳар жамоат транспортида йўловчилар ташиш ҳақининг табақалаштирилган тарифларини белгилаш тўғрисида”ги қарори (576-11-0-Q/24) қабул қилинди.

Фарғона вилоятининг шаҳарларида, шаҳар йўловчилар транспортида йўловчилар ва багаж ташиш хизматларининг чекланган тарифи қуйидагича белгиланди.

а) автобусларда бир нафар йўловчи учун йўл ҳақи 3000 (уч минг) сўм;
б) жамоат транспортида нақд пулсиз тўлов тизимини жозибадорлигини ошириш, мазкур тизимдан фойдаланишда йўловчиларни кенг жалб қилиш, соҳадаги яширин иқтисодиёт улушини камайтириш мақсадида автобусларда электрон шаклда тўланган тўловлар (транспорт картаси, АТТО, банк карталар,) орқали бир нафар йўловчи учун бир марталик рағбатлантирувчи йўл ҳақи тарифи 2400 (икки минг тўрт юз) сўм;
c) йўналишли такси (микроавтобус)ларда бир нафар йўловчи учун 4000 (тўрт минг) сўм.

https://t.me/joinchat/AAAAAFIrIqqmCS1FiTcIZQ

❗️Мактаб китобларини пуллик қилишмоқда

Мактаб дарсликлари ижараси қайта тикланади

Мактаб дарсликлари ижараси учун ота-оналардан тўловни қайта жорий қилиш қилиш режалаштирилмоқда. "Дарсликлар ва машқ дафтарларининг тўлиқ Давлат бюджети ҳисобидан чоп этилиши ота-оналар масъулияти пасайиб кетиши ва дарсликларга нисбатан эътиборсиз муносабатда бўлиш ҳолатларини келтириб чиқармоқда", дейилади 2025 йил Бюджетномасида.

https://t.me/joinchat/AAAAAFIrIqqmCS1FiTcIZQ