Energiya samaradorligini oshirish va yashil energetikani rivojlantirish bo‘yicha ko‘rgazmali amaliy seminar o‘tkazildi

Samarqand viloyatida fuqaro va tadbirkorlarishtirokida energiya resurslarini iqtisod qilish borasidagi imtiyozlar va afzalliklari, resurslarni talon-toroj qilgan iste’molchilarga nisbatan javobgarlik choralari to‘g‘risida batafsil taqdimotlar qilindi.

Shuningdek, 30 dan ortiq ishlab chiqaruvchi korxonalar tomonidan quyosh panellari, geliokollektor, zamonaviy yondirgich va qozonlar, reaktiv kompensator va boshqa energotejamkor uskunalarning ko‘rgazmalari tashkil etildi.

Shuningdek Jomboy tumanida "O‘zenergoinspeksiya" Samarqand viloyat hududiy boshqarmasi va viloyat prokuraturasi hamkorligida "Energiya resurslaridan noqonuniy foydalanish holatlariga qarshi kurashish sohasi takomillashtirilishi munosabati bilan O‘zbekiston Respublikasi Prezidentining ayrim hujjatlariga o‘zgartirish va qo‘shimchalar kiritish to‘g‘risida"gi PF-20 Farmoni bo‘yicha o‘quv seminar o‘tkazildi.

Unda viloyatidagi yirik iste’molchilar va tadbirkorlik subyekti vakillari ishtirok etishdi.

Tadbir yakunida ishtirokchilar o‘zlarida yuzaga kelgan muammolar va normativ-huquqiy hujjatlarda kiritilgan yangi o‘zgartirishlar yuzasidan berilgan savollarga batafsil javoblar olishdi.

Telegram | Facebook | YouTube | Twitter