— Narxlar to‘rt turga bo‘linadi: chegarali narx – $37. Oxiriga nol qo‘shilgan chegarali narx – $37,00. Aniq narx – $36,75. Jozibador narx – $36,99.

— Qo‘shma Shtatlarda 99 sent, Angliyada 99 pens, Rossiyada 99 kopeyka, bizda 99 so‘m. Ko‘pchilikni o‘ylantiradigan savol: nega ko‘p mahsulotlarning narxi 99 yoki 90 soni bilan tugaydi? Shuni yaxlit qilib nol bilan tugatsa bo‘lmaydimi?

— Jozibador narxlar!
Psixologlar ilgari surgan nazariyaga ko‘ra, 99,99 va 100 dollar qiymatlari inson miyasida mutlaqo bir-biridan farq qiladi. Iqtisodiy nuqtayi nazardan, 99,99 dollar va 100 dollar deyarli bitta narsa, farq 0.01 foiz (foizning yuzdan bir qismi)ni tashkil etadi. Ushbu qiymat shunchalik kichikki, aksariyat iqtisodiy hisob-kitoblarda unga e'tibor ham berilmaydi. Inglizlar oxiri to‘qqiz bilan tugaydigan narxlarni "charm prices", ya'ni «jozibador narxlar» deb atashadi. Bunda mahsulotlar ko'p sotilishi kuzatilgan.