СИНФДОШЛИК МЕҲРИ БОШҚАЧА, БЕҒУБОР МЕҲР!

Ҳар қадамда учрагай ҳамкор,
Ҳаётингда то юз ёшгача.
Топилмайди ва лекин такрор-
Синфдошлик меҳри бошқача.

Бирга бўлган беғамликдаги,
Беайб, бедард, бекамликдаги,
Шумлиги йўқ ўктамликдаги
Синфдошлик меҳри бошқача.

Тилга келар қатор  номлари,
Етса  умр  кеч куз шомлари,
Хотирангда бир-бир том нари-
Синфдошлик меҳри бошқача.

Ҳар ким курар бошин қорини,
Ўзи татиб талх, озорини,
Қор босмаган кўнгилзорининг
Синфдошлик меҳри бошқача.

Узоқлашган сарҳадлар мисол,
Унутилар севги-сир-асрор,
Масофасиз, манфаатсизлар
Синфдошлик меҳри бошқача.

Мақсуда Каримова


🌐Каналга обуна бўлинг ⤵️
•┈┈┈┈•❈••✾••❈•┈┈┈┈•
  ✅@Dugonalar_kanaIi☝