Репост из: Sojida’s
Amerikaning boshlang’ich maktabidagi tajribam haqida
Birinchi e’tiborimni tortgan narsa bu sinfxonadagi demokratik muhit. O’quvchilar o’z fikrlarini va qarashlarini erkin ifoda etishdan va xato qilishdan qo’rqishmaydi. Nazarimda, inson xato qilib o’rganishini tushuntirish maqsadida sinfda shunday sharoit yaratilgan. O’qituvchi o’quvchilarga sinfda yetakchilik rolini bajarish imkoniyatlarini yaratib bergan. O’quvchilarning o’qish jarayonini qiziqarli qilish uchun, ustoz tomonidan ularga turli jamoaviy va muammolarni hal qilish bo’yicha mashqlar berildi. O'qituvchining yozish, o'qish va san'atga oid loyihalari va rejalari o’quvchining ta’savvurini boyitishga qaratilgan, bu esa o’quvchilarga turli perspektiva va g'oyalar bilan tanishishlariga imkon beradi.
Rostini aytganda, bu tajriba menga yoqdi.Amerika maktabiga bo’lgan birinchi tashrifimdan biroz hayajonda edim, lekin bu ajoyib bir tajriba bo'ldi. Men o'rgangan eng muhim dars bu sinfda demokratik muhit yaratishning ahamiyatidir. Darsga resurslarni tanlayotganda faqat bolalarning ko’nglini ochish uchun yoki mavzularni yuzaki o’tib ketish emas, balki qadriyatlar va ta'lim ta'sirini va sifatini oshirish uchun materiallar va resurslarni tanlash zarurligini tushundim. O’qituvchining nima o'rgatishi va nimaga urg’u berishi juda muhim; o’quvchilar hozircha buni to'liq tushunmasalar ham, boshlang’ich ta'lim ularning ongida poydevor bo’ladi.
Bu maktab tajribasidan keyin ko’plab bilim va ko'nikmalarga ega bo'ldim. Davlat boshqaruvi va ta’lim tizimi uzluksiz bog’liq ekanligini shu tajribadan yaqqol ko’rishingiz mumkin. Shu o’rinda meni qiziqtirgan savollar: O’zbek jamiyatini shakllantirishda ta’limning roli qanday? O’zi ta’limdagi eng asosiy qadriyatimiz nima? O’qituvchining ma’sulyatlari o’zi nimalardan iborat?
Bir podkastda aytib o'tilganidek, sinf xonasi faqat akademik ilm o'rganish joyi emas. Bu maktab devorlaridan tashqaridagi dunyoga o'quvchilarni tayyorlash joyidir. Podkastda e’tiborimni tortgan iqtiboslardan biri bilan bo’lishgim keldi. “Zulm tizimida, ta'lim beruvchi yo o’zgarish uchun harakat qiladi yoki zulmga hissa qo’shadi”.
@hereissojida
Birinchi e’tiborimni tortgan narsa bu sinfxonadagi demokratik muhit. O’quvchilar o’z fikrlarini va qarashlarini erkin ifoda etishdan va xato qilishdan qo’rqishmaydi. Nazarimda, inson xato qilib o’rganishini tushuntirish maqsadida sinfda shunday sharoit yaratilgan. O’qituvchi o’quvchilarga sinfda yetakchilik rolini bajarish imkoniyatlarini yaratib bergan. O’quvchilarning o’qish jarayonini qiziqarli qilish uchun, ustoz tomonidan ularga turli jamoaviy va muammolarni hal qilish bo’yicha mashqlar berildi. O'qituvchining yozish, o'qish va san'atga oid loyihalari va rejalari o’quvchining ta’savvurini boyitishga qaratilgan, bu esa o’quvchilarga turli perspektiva va g'oyalar bilan tanishishlariga imkon beradi.
Rostini aytganda, bu tajriba menga yoqdi.Amerika maktabiga bo’lgan birinchi tashrifimdan biroz hayajonda edim, lekin bu ajoyib bir tajriba bo'ldi. Men o'rgangan eng muhim dars bu sinfda demokratik muhit yaratishning ahamiyatidir. Darsga resurslarni tanlayotganda faqat bolalarning ko’nglini ochish uchun yoki mavzularni yuzaki o’tib ketish emas, balki qadriyatlar va ta'lim ta'sirini va sifatini oshirish uchun materiallar va resurslarni tanlash zarurligini tushundim. O’qituvchining nima o'rgatishi va nimaga urg’u berishi juda muhim; o’quvchilar hozircha buni to'liq tushunmasalar ham, boshlang’ich ta'lim ularning ongida poydevor bo’ladi.
Bu maktab tajribasidan keyin ko’plab bilim va ko'nikmalarga ega bo'ldim. Davlat boshqaruvi va ta’lim tizimi uzluksiz bog’liq ekanligini shu tajribadan yaqqol ko’rishingiz mumkin. Shu o’rinda meni qiziqtirgan savollar: O’zbek jamiyatini shakllantirishda ta’limning roli qanday? O’zi ta’limdagi eng asosiy qadriyatimiz nima? O’qituvchining ma’sulyatlari o’zi nimalardan iborat?
Bir podkastda aytib o'tilganidek, sinf xonasi faqat akademik ilm o'rganish joyi emas. Bu maktab devorlaridan tashqaridagi dunyoga o'quvchilarni tayyorlash joyidir. Podkastda e’tiborimni tortgan iqtiboslardan biri bilan bo’lishgim keldi. “Zulm tizimida, ta'lim beruvchi yo o’zgarish uchun harakat qiladi yoki zulmga hissa qo’shadi”.
@hereissojida