Репост из: MUHAMMAD YUSUF | Муҳаммад Юсуф
OTA (ARMONIM BOR)
Armonim bor, bu dunyoda armonim bor,
Qoq dalada oʼtlar bosgan oʼrmonim bor.
Qizgʼaldoqday boshim egik bu makonda,
Yonib yashab oʼtmagan otajonim bor.
______________________________________
Ota desam, bagʼri-dilim yonaverar,
Kunim yonar, oyu yilim yonaverar,
Mozoriga qoʼygan gulim yonaverar,
Tutunlarga toʼlib ketgan osmonim bor.
______________________________________
Esaversin jannatlardan kelgan nasim,
Momo yerim, oʼzingsan eng muqaddasim,
Bagʼringda jim tinglab bu tun jon nafasim,
Ruhimni allalab yotgan jahonim bor.
______________________________________
Odam boʼlib bir odamni tushunmaslar,
Koʼzingda yosh koʼrib ham goh oʼkinmaslar,
Bosgan izim poylab yurgan ey, nokaslar,
Qabrdan qoʼl choʼzib turgan qalqonim bor...
______________________________________
Men otamdan qolgan erkin sado-sasman,
Qonimga yot navolarga qayrilmasman,
Oʼlgunimcha endi undan ayrilmasman -
Oʼz otamdek boʻlib qolgan iymonim bor.
______________________________________
Armonim bor, bu dunyoda armonim bor,
Keng dalada gullar bosgan oʼrmonim bor,
Qizgʼaldoqlar bosh egib qon yigʼlab turgan,
Bu makonda mening ham nurjahonim bor.
______________________________________
✍ Muhammad Yusuf Sheʼri📚
🎙 Yulduz Usmonova ijrosi
@Muhammad_Yusuf_Hayoti_va_Ijodi
Armonim bor, bu dunyoda armonim bor,
Qoq dalada oʼtlar bosgan oʼrmonim bor.
Qizgʼaldoqday boshim egik bu makonda,
Yonib yashab oʼtmagan otajonim bor.
______________________________________
Ota desam, bagʼri-dilim yonaverar,
Kunim yonar, oyu yilim yonaverar,
Mozoriga qoʼygan gulim yonaverar,
Tutunlarga toʼlib ketgan osmonim bor.
______________________________________
Esaversin jannatlardan kelgan nasim,
Momo yerim, oʼzingsan eng muqaddasim,
Bagʼringda jim tinglab bu tun jon nafasim,
Ruhimni allalab yotgan jahonim bor.
______________________________________
Odam boʼlib bir odamni tushunmaslar,
Koʼzingda yosh koʼrib ham goh oʼkinmaslar,
Bosgan izim poylab yurgan ey, nokaslar,
Qabrdan qoʼl choʼzib turgan qalqonim bor...
______________________________________
Men otamdan qolgan erkin sado-sasman,
Qonimga yot navolarga qayrilmasman,
Oʼlgunimcha endi undan ayrilmasman -
Oʼz otamdek boʻlib qolgan iymonim bor.
______________________________________
Armonim bor, bu dunyoda armonim bor,
Keng dalada gullar bosgan oʼrmonim bor,
Qizgʼaldoqlar bosh egib qon yigʼlab turgan,
Bu makonda mening ham nurjahonim bor.
______________________________________
✍ Muhammad Yusuf Sheʼri📚
🎙 Yulduz Usmonova ijrosi
@Muhammad_Yusuf_Hayoti_va_Ijodi