🔠🔠🔠🔠🔠🔠

⚡️ Ijodkor yoshlar diqqatiga!

🇺🇿 O‘zbekiston Respublikasi Prezidentining PQ-270-sonli qarori asosida qatag‘on qurbonlari xotirasini abadiylashtirish maqsadida Kamoliddin Behzod nomidagi Milliy rassomlik va dizayn instituti talaba-yoshlari o‘rtasida “Qatagon mavzusi yosh ijodkorlar nigohida” mavzusidagi ijodiy ishlar tanlovini e’lon qilinadi!

Tanlov uchun ijodiy ishlari quyidagi yo‘nalishlarda qabul qilinadi:

➡️ Tasviriy va amaliy san’at yo‘nalishi talabalari uchun:

🔴 Turkiston jadidlarining siymolari - portretlar, haykaltaroshlik ishlari orqali ma’rifatparvarlar qiyofasini aks ettirish;

🔴 Turkiston milliy matbuoti va jadidlar - milliy matbuot tarixi, “Sadoi Turkiston”, “Oyina” kabi nashrlar faoliyatini tasvirlang;

🔴 Jadid maktablarida ta’lim jarayonlari - yangi usul maktablarining faoliyati, o‘qitish jarayonlari;

🔴 XIX asr oxiri XX asr boshlaridagi Turkiston o‘lkasidagi ijtimoiy-siyosiy jarayonlar - tarixiy manbalar asosida xalq qo‘zg‘olonlari, milliy ozodlik uchun kurash sahnalari;

🔴 Sovet tuzumi davridagi siyosiy qatag‘onlarning mudxish va fojeali manzaralari - vatanparvar ziyolilarning qamoqqa olinishi, adolatsiz sud jarayonlari, qatl manzaralari;

🔴 Qatag‘on qilingan ayollar va bolalarning ayanchli taqdirlari - oilalar parchalanishi, surgun azoblari;
🔴 Qatag‘on qilingan o‘zbek ziyolilari, vatanparvarlari surgunda - Sibir, Kolyma, Solovetskoye kabi surgun joylaridagi hayot.

➡️ Dizayn yo‘nalishi talabalari uchun:

🔴 XIX asr oxiri - XX asr boshlariga oid o‘zbek milliy liboslari va bezak namunalari rekonstruktsiyasi.

➡️ San’atshunoslik va muzeyshunoslik yo‘nalishi talabalari uchun:

🔴 Maktablar, MFY binolarida tashkil qilinadigan xotira burchaklari hamda uy-muzeylari loyihalari — qatag‘on qurbonlari xotirasini abadiylashtirish uchun zamonaviy muzey loyihalari.

🗓 Ijodiy ishlar — 2025-yilning 20-aprel sanasiga qadar qabul qilinadi.

⚡️ Tanlov g‘oliblari rahbariyat tomonidan maxsus diplom va qimmatbaho sovg‘alar bilan taqdirlanadilar

⚡️ Eng yaxshi ijodiy ishlar respublika ko‘rgazmalarida namoyish etiladi. Shuningdek, tanlov g‘oliblarining ijodiy ishlaridan iborat maxsus albom nashr etiladi!

✨ Tarix sahifalaridagi og‘riqli nuqtalarni, xalqimizning jasur farzandlari qismatini san’at tili orqali ifodalash — bugungi avlod vazifasidir!

➡️ Tanlovda munosib ishtirok eting, aziz yoshlar!

📲 Murojaat uchun: @S_qayimova

📱 Facebook 📱 Telegram