ҚЎШИҚ

Оҳ санам-ей, шоҳ санам,
Ишқ умримга занг берди.
Минг оҳ-ки тақдиримга,
Юзда холинг ранг берди.

Дил-дилга пайванд эди,
Дил орзу-ла банд эди.
Наҳот сенга ишониб,
Ошиқ юрак панд еди?

Ким у, менинг бахтимни
Ўзига ўзлаштирган?
Ё отангми, ё энанг,
Тўйингни тезлаштирган?

Бахтсизлик эвазига
Бахт келмайди, билиб қўй.
Шу гапдан отангни ҳам
Сен хабардор қилиб қўй.

Тўғри, дунё топмадим,
Ишқ — ҳақдан тортиқ, девдим.
Лекин сени чин дилдан
Дунёдан ортиқ севдим.

Оҳ, санам-ей, шоҳ санам,
Ишқ умримга занг берди.
Минг оҳ-ки тақдиримга
Юзда холинг ранг берди.

© Дилмурод Дўст

Telegram | Facebook | You tube | Instagram