Millat umidi universitetida “Yoshlar oʻrtasida sodir etilayotgan axborot texnologiyalari sohasidagi jinoyatlar” mavzusida huquqbuzarliklar profilaktikasiga oid tadbir tashkil etildi.

Mazkur tadbirda O‘zbekiston Respublikasi Ichki ishlar vazirligi Akademiyasi magistratura bosqichi tinglovichi, podpolkovnik A. Ibodov, professor-o‘qituvchilar va talabalar ishtirok etishdi.

Tadbirda respublikamizda kiberjinoyatchilikni o‘sish tendensiyasi kuzatilayotganligi, umumiy jinoyatchilik ulushida kiberjinoyatlarning miqdori oshib borayotganligi va kundan-kunga ushbu jinoyatlardan jabrlanganlar va ularga yetkazilgan zarar miqdori ham o‘sib borayotganligi ta’kidlab o’tildi.

Bundan tashqari, kiberjinoyatlar sodir etilishining asosiy sabablari va ushbu jinoyatlarning oldini olish borasida qilinishi zarur bo‘lgan tadbirlar ham to’liq muhokama qilindi.

Tadbir davomida ishtirokchilarga kiberjinoyatchilikka oid videoroliklar namoyish qilindi. O’z navbatida talabalarni qiziqtirgan savollarga tegishli javoblar berildi.