⚡️ OSON TUTMANG

Tunlar bedor izlar nur ziyo,
Igna bilan choh qazib, go‘yo,
O‘ttiz bola, o‘ttiz hil dunyo,
Oson tutmang o‘qituvchiga.

Taraqqiyot yo‘lida ma’mnun,
El, yurt uchun ishlar tunu kun,
Ma’sul ular kelajak uchun
Oson tutmang o‘qituvchiga.

Maktab ulug‘ -qo‘rg‘onim desa,
Ilmim yuksak -parvozim desa
Quvnang bola ustozim desa,
Oson tutmang o‘qituvchiga.

O‘qib, o‘rgan deydi u takror,
Mehri daryo, qalbi ulug‘vor,
Gʻiybat qilmang ortidan bekor,
Oson tutmang o‘qituvchiga.

Olyaptiku oyligin deya,
Ko‘z ostidan qaramang qiya,
Shovqinlarda shovullar miya,
Oson tutmang o‘qituvchiga.

''Bizlar uchun tarbiya -hayot,
Yo halokat yoki bir najot,,
Avloniydan qolgan bu bayot,
Oson tutmang o‘qituvchiga.

O‘tar dunyo, o‘tadi umr,
Topsin ahir halovat huzur,
Aytdim qo‘ydim ming bora uzr,
Oson tutmang o‘qituvchiga.
         
✍Xurshid Karim

⚡️ Attestatsiyadan test ishlovchi bot👉 @Attestattestbot

⚡️ Attestatsiyaga oid ma'lumotlarni
👉 @AttestatUz   kanali orqali bilib boring