ШУКУР ҚИЛГИН

Энг аввало зикр қилгин,
Сўнг эса бир фикр қилгин!
Жамлабла сабру бардош,
Боринга шукур қилгин!
Умринг гўё бир дарё,
Оқиб ўтарин билгин!
Ўткинчидир бу дунё,
Боринга шукур қилгин!
Бўлса сенда диёнат,
Ғийбатни қилма одат!
Жонинг эрур омонат,
Боринга шукур қилгин!
Кимларда бордир давлат,
Кимларда эса савлат,
Топмасдан турли иллат,
Боринга шукур қилгин!
Билсанг, дунё аломат,
Баъзан қилар маломат,
Бўлсанг соғу саломат,
Боринга шукур қилгин!
Гоҳо йўлинг равондир,
Гоҳо эса давондир.
Истиғфор айтар ондир,
Боринга шукур қилгин!
Дунё бўлсада бир кам,
Элда бўлсанг мукаррам,
Белбоғинг боғлаб маҳкам,
Боринга шукур қилгин!
Берилсанг ҳам ҳавасга,
Берилмагин ҳасадга!
Етиб олий мақсадга,
Боринга шукур қилгин!
Бўлса дўсту улфатинг,
Ариб кетар кулфатинг.
Сақлаб дўстлик сифатинг,
Боринга шукур қилгин!
Ноливерма ҳаётдан!
Ҳам танишу ҳам ётдан.
Баҳра олиб баётдан,
Боринга шукур қилгин!
Айтмоқда куйдириб жон,
Насиҳатин Ниғматжон.
Билиб уни жонажон,
Боринга шукур қилгин!
Доимо шукур қилгин!

Муаллиф: ✍️ НИҒМАТЖОН

🥰❤️👍

🌸🍀🌸🍀🌸🍀🌸🍀🌸🍀🌸🍀🌸
  
@Assalomu_alaykum_GIF_Tabriklari
*