G’ayrat Do’stovni buyurtma asosida, nohaq qamagan sudya, 2016 yilda bir begunohni, birorta dalil-isbotsiz 18 yilga qamab yuborgan ekan. U fuqaro keyinchalik yuqori instansiyalarga shikoyat kiritib, oqlanib chiqqan. Lekin aybsiz odamni 18 yilga qamagan sudya xonimga hech qanday chora ko’rilmagan. Xudo biladi 2016 yildan hozirgacha qancha begunohlarni nohaq qamagan ekan bu. Jamoatchilik bu sudyaning barcha ishlarini qayta ko’rib chiqishni va uning faoliyati o’rganilishini talab qilishi kerak. Bu ishni shunday qoldirib bo’lmaydi. Zero, jazosizlik keyingi jinoyatlarga eshik ochadi. Bir vaqtlar NKVD jallodlarini topshiriqlarini bajarib, Qodiriy, Cho’lponlarga hukm o’qigan xoin sudyalar jazolanmadi. Ularni harakatiga huquqiy baho berilmadi. Buyurtma bajargani uchun ularning martabasi oshdi. Buni ko’rgan hozirgi sudyalar ham ana o’shalarning izidan boryapti. O’tgan asrda bunday jinoyatlar xalqdan yashirilgan bo’lsada bugun yashirishning imkoni yo’q. Ijtimoiy tarmoqlar rivojlangan sharoitda jamoatchilikka “qahramonlarni” tanitish muammo emas. Faqat yurtdoshlarimiz bunday jinoyatlarga beparvo bo’lmasliklari, o’z manfaati uchun begunoh kishilarning umrini xazon qilishdan tap tortmaydiganlarga o’rnini ko’rsatib qo’yishi kerak! Beparvo bo’lmang! Buyurtmachi sudyani faoliyati qayta ko’rib chiqilishini talab qiling!

@AsliddinKamol