Ilgimdin kelguncha zolim tigʻin ushotib, mazlum jarohatigʻa intiqom malhamin qoʻydum.

© Hazrat Navoiy

Jurnalistika talabalariga.

Haqiqat yigʻladi - Aflotun doʻstim*,
Muqaddas Romaning koʻshkida beor -
Xabarchi jar solar: Sezar aktasi,
Jurnalist boʻlmaydi har qalami bor.

Oʻyingoh guvillar - Kolizey sahni,
Qullar oʻlmaydilar hech qachon ochdan*.
Gilyotin ikkiga boʻladi tanni,
Yolgʻonlar urchigan - qonxoʻr ogʻochdan.

Biroq, ruhni boʻlib boʻlmas, oʻldirib,
Axilles tovoni - mening yuragim.
Xoinlar qoʻlida xorlangan haqni,
Baland tutolmasam bormi keragim.

Men koʻksimni yoqib turaman
Olovida isingin xalqim.

© Navroʻz Suvonov

*Qulni xayol oʻldirar