Abror's blog

Agar bugun oxirgi kuningiz ekanligini bilganizda nima qilardingiz?

Faqat shunchaki yozib tashlamang, haqiqatan ham ertaga o'laman deb o'ylang, his qiling, qo'rquvga tushing - keyin esa haqiqiy javoblarni yozing.

Yakshanbani yarimini bekor o'tkizmasa yakshanba emas.

Hayrli tong demoqchidim, allaqachon tushlik bo'libdi.

Assalomu aleykum hammaga! Sog'-salomatmisizlar?

Sizlarga kichik yangiligim bor:

Yangi bir qiziqarli chellenge boshladim....

I have created poetry blog, if you're interested, you can join.

Hamma adashadigan narsa

Ko'pchilik o'zini mantiq bilan harakat qilaman deb o‘ylaydi. Aslida esa biz hammamiz — hatto eng "aqlli" qarorlarimizda ham — hissiyotlarga tayanamiz.

Shu sababdan dars qilish, sovuq dush, erta turish kabi odatlar davomiy bo‘lmaydi. Miyamiz foydasini tushunsa ham, yoqmasa – qilmaydi.

Yechim nima?

O‘zimizga yoqmaydigan narsalarni o‘zimizga yoqadigan qilish.

Fon musiqasi, chiroyli joy, pomodoro texnikasi, yoki mukofot sifatida sevimli mashg‘ulot yoki snack.

Shaxsiy rivojlanish — bu zo‘r bo‘lish emas, o‘z tabiatimizni tushunib, unga mos yo‘l topishdir.

@abrors_bIog

Qiziqarli mavzu:

Siz o'zingizni qanchalik boshqara olaman deb o'ylaysiz?

Ya'ni siz qanchalik emotsiya yoki logika (o'ylash) bilan harakat qilaman deb o'ylaysiz?

Hozir qaysi kitobni mutolaa qilyapsiz?

Kichkina shahzoda kitobini o'qib tugatdim. To'g'risini aytsam boshida hech narsani tushunmadim. Keyin boshqalardan so'rab, internetdan qidirib aslida ichida ancha ma'no-mohiyat borligini angladim.

Bu yerda men kitobdan olgan 5 ta sabog'im:

1. "Muhim narsalar ko'zga ko'rinmaydi" - Jamiyatimizda ko'pchilik status, chiroy, shon-shuxrat va boylik qidiradi. Lekin bu narsalar odam baxtli qilolmaydi, faqatgina ko'zga ko'rinmaydigan narsalar - sevgi, sodiqlik, sabab (purpose), bog'lanish (connection) - odamni ichidagi bo'shliqni to'ldira oladi.

Ular ko'rilmaydi, faqat his qilinadi.

2. Kitobda "katta odamlar" berilgan - tadbirkor, qirol, alkash, ... - va kichkina shahzodaga bular yoqmaydi. Bu "katta odamlar" muhim ko'ringan narsalarni (pul, status, obro') ortidan quvib yashaydi.

Lekin ular quvish davomida yosh boladek hayotdan zavqlanishni va qiziqishni unutib qo'yadilar.

3. "Baobab daraxtlari katta bo'lib o'sishidan oldin, ular kichik bo'ladi" - Kitobda baobab daraxtlari metafor sifatida berilgan, ular aslida ichimizda qora narsalarni ifodalaydi: ishonchsizlik, bog'lanib qolish (addictions), norozilik, ego, qo'rquv va o'zini yomon ko'rish.

Bular boshida kichkina tuyuladi, keyin esa eng katta muammolarni olib keladi.

4. "Gulni sen uchun muhim qilgan narsa - unga sarflagan vaqtingdir" - Kichkina shahzodaning guli bo'ladi. Uni parvarish qiladi, mehr beradi, suv quyadi, oftobdan saqlaydi.

Aynan mana shu narsalarni qilganligi uchun ham, kichkina shahzoda uchun 1000 lab gullar orasidan shu bitta gul qadrliroq bo'ladi.

5. Nega kichkina shahzoda gulni tashlab ketadi?

Chunki sevgi insonni to'xtatib qolmasligi kerak. Va rivojlanish ba'zida qo'yib yuborishni talab qiladi - butun umrga emas, hozircha.

Kichkina shahzoda o'zini tushunish uchun, koinotni ko'rish uchun, haqiqiy sevgi nimaligini bilish uchun - gulni tark etadi. Va u tushunadiki:

"Sevgi undan yurib ketganingda yo'qolmaydi, sevgi sen bilan bo'ladi, agar u haqiqiy bo'lsa, sevgi baribir saqlanib qoladi."

@Abrors_bIog

"Katta odamlar raqamlarni yoqtiradi.

Agar sen ularga yangi do'stingni tanishtirsang, ular hech qachon bunday demaydi: Uni ovozi qanaqa? Qanday o'yinlarni yaxshi ko'radi? Kapalaklar tutadimi?

Ular odatda: U nechi yosh? Nechta aka-ukasi bor? Vazni qancha? Otasi qancha pul topadi? - deb so'rashadi.

Shulardan keyin ular do'stingni yaxshi bilaman deb o'ylashadi."

- Kichkina Shahzoda