BU KIMNING TILI?

Bu mening Tilim, Turk-O‘zbekchasi, Turonlar Tili
Tog‘larni egirib, erkin yashagan bo‘ronlar Tili
Bu mening Tilim hujjatim faxri-konimdir
Boburlar Tili, shoirlar Tili, devonlar Tili
Qutadg‘u Bilik yaratgan, Yusuf Xos, Xojiblardek
Lug‘oti-Turk sohibi Mahmud Kosh, Shohonlar Tili
Xor bo‘lmagaysiz, izzatin qiling, bu Tilini ulus!
Negaki bu Til, so‘marlar Tili, ko‘shonlar Tili
Bizga shon bergan, bizga jon bergan, bizga iftixor
Navoiy so‘zin, chiroylantirgan, insonlar Tili
Tamaddunlarni qo‘zg‘alontirgan, yer yuza butun
Hamda sharq Tili, hamda g‘arb Tili, Eronlar Tili
Bizga kon bergan, bizga non bergan, bizga borlik shu
To‘moris Tili, Xorazm Tili, zamonlar Tili
Gʻaznalik Mahmud, qilmadi xizmat, bizlar uchun bu,
Shahnoma ibrat, bu ulus Tili, Jayronlar Tili
Bu Odam Tili, bu Otam Tili, sevgilim Tili
Behishtdan chiqib, yerlashib qolgan, g‘ilmonlar Tili
Bu kimning Tili? Bu mening Tilim, eskirib yotgan —
Tarixning Tili, Temurning Tili, Romonlar Tili
Bu Tilni bilganlar ko‘rkam yashar, maddohlik qilmas
Yurub eshiklar, bu Til aslida Xoqonlar Tili
Iddao bilmang! Mening so‘zimni, dushmanlik qilmang!
Bu Til siyosatda boy – ildizdan, Usmonlar Tili
Qojorlar Tili, Totorlar Tili, Samarqand Tili
Tamuchin Tili va Hunlar Tili, Turkonlar Tili
Xudoning lutfiy, Sulaymon Tili, Tayanshon Tili
Boysinqar Tili, Boyqaro Tili, Shaybonlar Tili
Otilo Tili, Sayhunlar Tili, Jayhunlar Tili
Gavharshod Begimning onajonimiz deganlar Tili
Oto Turk Tili, Jahongir Tili, Bahodir Tili
Ulus g‘amining Nodira birla yeganlar Tili
Temur mirosin o‘stirgan Shohrux, insoniyatni
Cho‘qisigacha, buxoroni jannat qilganlar Tili
Sokolar Tili, Saljuqlar Tili, Boturlar Tili
Boyazid Ildirimning gezdirgan – o‘rmonlar Tili
Yofis avlodi Turkdan o‘rganmiz, Til o‘zak biza
Bu Rayhon – Ibni sinodek mehribonlar Tili
Yasavkoy Tili, chag‘toy Tili, To‘raxon Tili
Yosoqlar yasab, devondan o‘tsak, Javonlar Tili
Yaftalilar, uvaysi ona hamda yuzlarcha ulug‘
Jon berib kelgan shu yo‘lda, bu qadar donolar Tili
Bu Oltoy Tili, bu uroz Tili, bu Orol Tili
Jannatni yerga Samarqand degan, g‘ilmonlar Tili

©️ Muallif Hoshim Hamdam Faryobiy