Бугун Palo Alto’даги Navan компаниясида ишловчи Сардор билан учрашдик. Мен WeWork’да ишласам, у эса қўшни бинода фаолият юритар экан. Navan – бизнес саёҳат ва харажатлар бошқаруви билан шуғулланувчи компания. Сардор у ерда AI агентлар яратиш билан шуғулланади.

Учрашув давомида у ўзининг Stealth mode даги стартапини ҳам намойиш қилди. Улар мавжуд катта дўкон учун Chrome Extension AI агент яратган. Бу агент сизнинг топшириқларингиз асосида ўша дўкондан тез ва самарали бозор қилишга ёрдам беради. Эксперимент сифатида агентга “4 кишилик ош қилиб беришим керак” деб топшириқ бердик. У эса сўради: “Ўзбекча, Самарқандча ёки Тожикча ошми?” Биз ўзбекча ошни танладик ва агент барча керакли маҳсулотларни тўғри миқдорда танлаб, саватчага жойлаб берди.

Агентлик технологиялари билан катта имкониятлар очилмоқда. Сардорга эса омад!

@paiziev24