Muallima hayoti

"Otam bo‘lganda edi, hammasi boshqacha bo‘lardi. Otam bo‘lganda, xohlagan narsasini olib berardim. Sayohat qildirardim, eng zo‘r restoranlarga kirgizardim. Otamni xursand qilish armon bo‘ldi",

deyman-u, ammo onamning ko‘nglini olishga shoshilmayman.

Holim achinarli... 💔

-Sumka olishdan boshqa ishing ham bormi?
-Bor. Kashelok olish.

Bugun tunda kelarmish ikki go‘zallik:

Ramazon va Bahor ❤️

Men hamma ishimga qanday ulguraman?

1. Hozirda kompyuter oldida o‘tirib ko‘p dars va yozuv qilganim uchun tezda toliqib qolaman. Sevimli ishim bo‘lganiga qaramasdan aqliy mehnat insonni jismoniy faoliyatga qaraganda ko‘proq charchatadi, deb o‘ylayman.(mening vaziyatimda)

Miyamga dam berib, chalg‘ish uchun uy ishlarini qilaman. Yaʼni, ro‘zg‘or ishini qilsam (non, kir, supir-sidir, hovli-joyni tozalash, osh-ovqat, idish-tovoq), yanada kuchga to‘laman. Top-toza uyda ijod qilish boshqacha zavq beradi.


2. Baʼzida vaqtimni shunchaki behuda sarflab, hech narsa qilmay o‘tirgim keladi. Bu qanchalik g‘alati eshitiladi, bilmadim-u, lekin sizda ham bunday holat deyarli har kuni kuzatiladi.

Instagramda reels ko‘rib, Temuda narsalarni tomosha qilgim, You Tubeda turkcha serial ko‘rgim keladi. O‘sha payti o‘zimga o‘zim shart qo‘yaman. Masalan, metodik tavsiyani yozib bo‘lsam, 1 soat telefon titib o‘tiraman, deb o‘zimni xursand qilib qo‘yaman.

Va vazifani bajarganimdan keyin, albatta, vaʼdamni bajaraman, bunga ruxsat beraman. 1 soat bemalol telefon titiiibb o‘tiraveraman.😄

Shunday qilsam, keyingi ishimni yozish, darsimni qilish uchun yana ishonch paydo bo‘ladi. To‘g‘ri, behuda vaqt ketkazib umuman foyda olmayman. Lekin foyda olish uchun kuch olaman, menimcha.

3. Kundalik ishlarimning eng muhimlarini birinchi navbatda bajarishga harakat qilaman.

Abedga ovqat yo‘q, uyni tozalash kerak. Ovqatni tayyorlayman birinchi. Chunki bolam yig‘lab qolsa, uy toza emasligi muhimmas. Muhimi, abedga ovqat bor. 😁

Albatta, uch farzandning onasi sifatida bolalarimdan ortgan vaqtimdagina ijod qilaman, ish qilaman. Men ish qilsam, ijod qilsam, bu paytda bolalarim nima qilishini keyingi xabarlarda yozaman...❤️


https://t.me/muallimahayoti

Alloh omonat qilib bergan joningni asra❤️

Mana shu kuyni eshitsam, ilk kelinlik davrim esimga tushadi. Har tong soat 5 da budilnik shu kuyni chalardi. Boshqa tumanga, oilamdan aaancha uzoqqa, kelin bo‘lganim, yangi hayot, yangi oila, yangi odamlar, yangi muhit, yangi joy...

Hayot yo‘limga birgina yangi insonni qabul qilish orqali hammasi yangilandi.

Kelinlik gashtingni surasan, ammo ichingda nimadir bor. G‘imirlab, ko‘zyoshingni qitiqlaydigan achchiq nimadir bor... Kun bo‘yi quvonchli, shodon yurasan. Yangi ota-onang, yangi uyingga moslasha boshlaysan. Kech kirib, o‘z xonangga yuzlanasan. Izlaysan. Ota uyingdagi yuzlarni, ko‘zlarni izlaysan. So‘zlarni izlaysan. Har onni xotirlaysan. Ota uyning har burchi ko‘z oldingdan o‘tadi. Onangni qo‘msaysan... Zotan, bir ona bo‘lmoq uchun yo‘lga chiqqansan. Yig‘lasam deysan, yig‘lolmaysan, lekin ichingda g‘imirlayotgan narsa bo‘g‘zingga tiqiladi.

Asal oyi...
Na bu lazzatli onlardan huzurlanishni bilasan, na ota uyingni sog‘inib yig‘lashni bilasan. Yoring panohing bo‘lsa-ku, xo‘p-xo‘p. Biroq qahriqattiq insonga uchragan bo‘lsang(Alloh asrasin) bundan buyon uysizsan. Yolg‘izsan.

Kelinlik. Kelinchak. Kuyunchak aslida. Bu qanday tuyg‘u o‘zi? Alamli rohatmi? Sog‘inchli saodatmi?

Kelinlik - baxt, saodatli maqom. Har qizga nasib qilsin. Qiz borki, go‘zal. Har go‘zalga go‘zal hayot, go‘zal yor ato etsin. Vafoli yor uy demak, baxt demak, tog‘ demak... Har peshonaga vafoli yor yozilsin.

✏️ Muallima hayoti

Kelinlar, siz kelinlik davridan nimalarni xotirlaysiz? Qanday eslaysiz? Biiirr yozing-chi...