Ishga qatnov va tushlik xarajatlari: qanday qilib pulni tejash mumkin?

Hodimlarning transport va ovqatlanishi bilan bogʻliq xarajatlar kundalik hayotning muhim jihatiga aylangan.

Bu borada ishlaydigan aholiga tushayotgan iqtisodiy yukni baholash, barqarorlik va iqtisodiy samaradorlikka hissa qoʻshishi mumkin boʻlgan imkoniyatlarni aniqlash maqsadida Progressiv islohotlar markazi ekspertlari Rahmatilla Ubayev va Jasur Abduraimov tomonidan tadqiqot oʻtkazildi.

Tadqiqotga kiritilgan ayrim Yevropa mamlakatlarida (Turkiya, Rossiya va Belarus bilan birgalikda) jamoat transportidan foydalanadigan va tushlik sotib oladigan ishchilarning oʻrtacha xarajatlari oyiga taxminan 230 dollarni tashkil etadi, bu ularning ish haqining 24 %ga teng. Aksincha, ushbu mamlakatlarda shaxsiy avtomashina uchun yonilgʻi xarajatlari jamoat transportiga nisbatan xarajatlarni 3%ga oshiradi.

Belarus (39%) va Rossiya (37%) ishchilari shaxsiy avtomobilda ishga qatnash va tushlik sotib olish xarajatlari boʻyicha ish haqining eng koʻp ulushiga toʻgʻri keladi. Turkiya qatnov rejimlari oʻrtasidagi eng katta 7 foizlik farqni namoyish etadi.

Kavkaz va Markaziy Osiyoda jamoat transportidan foydalanish va ovqatlanish uchun oylik xarajatlar oʻrtacha 193 dollarni tashkil etadi, bu esa sof maoshlarning 39 %ini tashkil qiladi. Oʻzbekiston qatnov uchun transport turlariga xarajatlar oʻrtasidagi eng katta farqni koʻrsatmoqda, yaʼni qariyb 23 dollar.

👉Batafsil saytimizda oʻqing

@cpr_uz

LinkedIn | Twitter | Instagram | Youtube