Ayrim haqiqatlar bor aytishni juda xohlaysiz. Aytolmayotganingizga ichingiz yonadi, ammo qani ayta olsangiz. Ayta olmaysiz. O'sha haqiqatni bilib qolganingiz uchun atrofingizdagilar uyalish o'rniga siz ulardan uyalasiz. Qizig'-a, biroq buni his qilmagan inson tushuna olmaydi. His qilganlar esa buni nima deb nomlanishini bilmaydi. Bu istiholami?, uyatmi?, andishami?, yoki hayomi?, yoki o'z-o'ziga ishonchning yetishmasligi, o'zini past ko'rishmi?, jur'atsizlikmi? Buni tashqaridan ko'rib turgan inson his qilgan insondan yaxshi baholay oladi. Sababi tashqaridan xulosa qilayotgan inson aql bilan, his qilib turgan inson qalbi bilan tushunishga harakat qiladi. Ikkisi birlashadigan bo'lsa javob ham yanada aniqroq bo'ladi.