Ўлсам жанозамни булбул ўқисин.
Куйиб ўтган умрим шархини айтсин.
Бардошим ҳақида ашъор тўқисин.
Мендан норозилар фикридан қайтсин.

Ўлсам жанозамни булбул ўқисин.
Айтолмай қолганим десин Аллоҳга.
Саловатлар айтсин топлаб бор кучин.
Билмаганим билганим десин Аллоҳга.

Ўлсам олов таним муз билан ювинг.
Токи кафанларим кетмасин куйиб.
Ювгач юрагимга парча муз қўйинг.
Борай хузурига озгина совиб.

Улсам кафаними булутдан килинг.
Ёмгирга айлансин ёнсам кабрда.
Кабримни казсангиз сал кенгрок олинг.
Гунохкор бандага тор гур жабрда.

Улсам чинор экинг кабрим бошига.
Токи соясида тиловат укинг.
Чумилиб яшадим кузим ёшига.
Йигламанг сиз факат "САЛОВАТ" укинг.

Кичкина ясатинг кабр тошимни.
Куръон оятларни ёздиринг уйиб.
Ёзманг кабр тошга умрим ёшини.
Мен сафарга кетдим чоригим кийиб.

Улсам оёк томон унг томонимга.
Турт киши сигарлик курси ясатинг.
Согиниб келсангиз "Ихлос"ни укинг.
Кабримни гул эмас "Куръон" безасин.

Унг тарафдан келинг оёк тарафдан.
Токи курсин сизни очик кузларим.
Улим хак эканин оласизу тан.
Кувонай келди деб угил кизларим.

Улсам йуклаб туринг билинг кутаман.
Чунки сизни деб утдим узимдан кечиб.
Йукламай куйсангиз зардоб ютаман.
Ётаман гурда хам куз ёшим ичиб.

Улсам умрим шархин набираларга.
Яширмай учирмай борини сузланг.
Интик кутганимни уларни хамда.
Ёниб утган кунглим зорини сузланг.

Улсам шеърларимни авайлаб асранг.
Имконин топиб топширинг элга.
Биламан, мени укир согиниб севиб.
Утар ёзганларим куллардан кулга.

Ахил булинг, мехрибон булинг.
Имконин топсангиз карзимни туланг.
Дуосини олинг мен севган элни.
Меърос колдираман сизга сабримни.

Улсам жаназамни булбул укисин…

Бибисора ТУРОБОВА