Bobur kabi Vatanni seving!
Yozuvchilar uyushmasida shoh va shoir Zahiriddin Muhammad Bobur tavalludining 542 yilligiga bag‘ishlangan “Bobur kabi Vatanni seving” nomli maʼnaviy-maʼrifiy tadbir bo‘lib o‘tdi. Bojxona qo‘mitasining Bojxona instituti va uyushma hamkorligida o‘tkazilgan kechada ijodkorlar, boburshunos olimlar, professor-o‘qituvchilar va kursantlar ishtirok etdi.
- Zahiriddin Muhammad Bobur qisqagina umrini adabiyotga, ijodga ham bag‘ishladi, - dedi uyushma raisi o‘rinbosari G‘ayrat Majid. - Tahlikali davrda yashagan bo‘lishiga qaramay, u kashfiyotchi bo‘lgan. Uning bu jihatlarini “Boburnoma” asarida ko‘rish mumkin. Yozganlari yoshlarni Vatanni sevishga, unga qalqon bo‘lishga chorlaydi.
Yozuvchi Ma'mura Zohidova Boburning cheksiz matonat timsoli ekani, uning betakror shaxsiyati, ibratli hayot yo‘li va sermazmun faoliyati yoshlarni vatanparvarlik ruhida tarbiyalashda, ularning qalbida fidoiylik va sadoqat tuyg‘ularini shakllantirishda nechog‘li muhimligini taʼkidladi.
- Yozuvchi Pirimqul Qodirovning "Yulduzli tunlar" va "Avlodlar dovoni" asarlarini o‘qiganimda Bobur Mirzo va uning avlodlariga bo‘lgan tasavvurim kengaygan, - dedi kursant Mohlaroy Murodillayeva. - Ularni davlatni boshqarish usullari, har qanday vaziyatga adolat bilan yondashuvchanligi meni lol qoldirgan. Bugungu tadbir esa biz yoshlarni ajdodlarga munosib bo‘lib ulg‘ayishimizda ahamiyatlidir.
Tadbir davomida kursantlar Bobur g‘azallari, ruboyilaridan o‘qidi. Shoir hayotini aks ettiruvchi sahna ko‘rinishlari ijro etildi. Sarkarda ijodiga bag‘ishlangan videorolik namoyish qilindi.
Zulayho Ahmadjonova
Yozuvchilar uyushmasida shoh va shoir Zahiriddin Muhammad Bobur tavalludining 542 yilligiga bag‘ishlangan “Bobur kabi Vatanni seving” nomli maʼnaviy-maʼrifiy tadbir bo‘lib o‘tdi. Bojxona qo‘mitasining Bojxona instituti va uyushma hamkorligida o‘tkazilgan kechada ijodkorlar, boburshunos olimlar, professor-o‘qituvchilar va kursantlar ishtirok etdi.
- Zahiriddin Muhammad Bobur qisqagina umrini adabiyotga, ijodga ham bag‘ishladi, - dedi uyushma raisi o‘rinbosari G‘ayrat Majid. - Tahlikali davrda yashagan bo‘lishiga qaramay, u kashfiyotchi bo‘lgan. Uning bu jihatlarini “Boburnoma” asarida ko‘rish mumkin. Yozganlari yoshlarni Vatanni sevishga, unga qalqon bo‘lishga chorlaydi.
Yozuvchi Ma'mura Zohidova Boburning cheksiz matonat timsoli ekani, uning betakror shaxsiyati, ibratli hayot yo‘li va sermazmun faoliyati yoshlarni vatanparvarlik ruhida tarbiyalashda, ularning qalbida fidoiylik va sadoqat tuyg‘ularini shakllantirishda nechog‘li muhimligini taʼkidladi.
- Yozuvchi Pirimqul Qodirovning "Yulduzli tunlar" va "Avlodlar dovoni" asarlarini o‘qiganimda Bobur Mirzo va uning avlodlariga bo‘lgan tasavvurim kengaygan, - dedi kursant Mohlaroy Murodillayeva. - Ularni davlatni boshqarish usullari, har qanday vaziyatga adolat bilan yondashuvchanligi meni lol qoldirgan. Bugungu tadbir esa biz yoshlarni ajdodlarga munosib bo‘lib ulg‘ayishimizda ahamiyatlidir.
Tadbir davomida kursantlar Bobur g‘azallari, ruboyilaridan o‘qidi. Shoir hayotini aks ettiruvchi sahna ko‘rinishlari ijro etildi. Sarkarda ijodiga bag‘ishlangan videorolik namoyish qilindi.
Zulayho Ahmadjonova