Sanepidqo'mita Yangiyer shahar bo'limi | Rasmiy kanal

⚡Mahallalarda o'tkazilayotgan sanitariya targ'ibot tadbirlari - sog'lom jamiyat asosi

Aholini sog'lom turmush tarziga yanada kengroq jalb qilish hamda sanitariya madaniyatini yanada yuksaltirish maqsadida bir qator ishlar samarali va tizimli ravishda amalga oshirilmoqda va bundan ko'zlangan asosiy maqsad - fuqarolarning salomatligini ta'minlashdan iboratdir.

🔰Sanepidqo'mita Yangiyer shahar bo'limi mutaxassislari
🔸Xoliqova Ra'no
🔸To'rayeva Nilufar
🔸Donayeva Shahlo
🔸Qobilova Latofat
🔸Murodova Hafiza
🔸Ermatova Sanobar
tomonidan shaharning Temur Malik, Yuksalish va Bobur MFY fuqarolari bilan sanitariya targ'iboti o'tkazildi.

🔹Har bir xonadon egalariga hamda bozorlarda faoliyat olib boruvchi bekalarga xonadonni ozoda tutish, sifati kafolatlanmagan mahsulotlarni sotish, sotib olish va iste'mol qilish salomatlik uchun jiddiy xavf uyg'otishi yuzasidan tavsiyalar berildi.

🔹Qish faslida iste'mol qilinishi ehtimoli odat tusiga aylangan, uy sharoitida tayyorlangan konserva mahsulotlari inson hayoti uchun xatarli ekanligi tushuntirilib, mavjudlari yo'q qilindi va ko'p qavatli uylarning kirish qismlariga ushbu xavfdan - ovqatdan zaharlanish (botulizm) ogohlikka chaqiruvchi mazmundagi eslatmalar ilindi.

🔹Shuningdek, yuqumli kasalliklar profilaktikasi hamda emlashning inson salomatligiga bo'lgan ahamiyati haqida atroflicha ko'rsatmalar berildi.

📰Sanepidqo'mita Yangiyer shahar bo'limi Axborot xizmati

Rasmiy sahifalarimizga obuna bo'ling:

🔽🔽🔽

Telegram | Instagram | Facebook | YouTube

#bilasizmi
#amal_qiling

🚰Qo‘llarni to‘g‘ri yuvish: Sog‘liq uchun oddiy, ammo samarali odat

❓Nega qo‘llarni to‘g‘ri yuvish muhim?

Kun davomida qo‘llarimiz yuzlab narsaga tegadi: telefonlar, eshik tutqichlari, pul, klaviatura... Va shu bilan birga, millionlab mikrob va viruslarni to‘playdi. To‘g‘ri yuvilgan qo‘llar kasalliklarning oldini olishda asosiy ro‘l o‘ynaydi.

To‘g‘ri qo‘l yuvish texnikasi

1️⃣Qo‘llarni namlang: Iliq suvdan foydalaning, lekin suv harorati qo‘llaringizni qizitib yubormasligi kerak.

2️⃣Sovun surting: Qo‘llaringizni sovun bilan yaxshilab qoplang. Antibakterial sovun bo‘lsa, yanada yaxshi.

3️⃣Kamida 20 soniya davomida yuvib ishqalang:

➖Qo‘llarning kaft qismini bir-biriga ishqalang.
➖Qo‘llarning ustki qismini ishqalang.
➖Barmoqlar orasini va barmoqlarning uchlarini yaxshilab tozalang.
➖O‘ng qo‘lingizning bosh barmog‘ini chap kaftingiz bilan aylantirib ishqalang va aksincha.
➖Tirsaklarga yaqin qismlarni ham yuving (agar zarurat bo‘lsa).

4️⃣Yuvib tashlang: Qo‘llaringizni toza suvda yaxshilab yuvib tashlang.

5️⃣Quritish: Qo‘llarni qog‘oz sochiq yoki toza mato bilan artib quriting. Jamoat joylarida elektr quritgichlardan ham foydalanishingiz mumkin.

‼️Esda tuting:

🥬🍅Qo‘llarni kuniga kamida 5–7 marta yuvish zarur, ayniqsa, oziq-ovqat iste'molidan yoki tayyorlashdan oldin.

🚽Tualetdan keyin. Ko‘chadan qaytgach yoki jamoat joylarida bo‘lgandan so‘ng.

🫢Og‘iz, burun yoki ko‘zga qo‘l tekkizishdan oldin.

🦠Qiziqarli fakt: Tadqiqotlarga ko‘ra, sovun bilan yuvilgan qo‘llar virus va bakteriyalarni 80% ga kamaytiradi. To‘g‘ri yuvilgan qo‘llar nafaqat sizni, balki atrofingizdagi odamlarni ham kasalliklardan himoya qiladi!

✅Sog‘liq uchun birinchi qadamni qo‘llaringizni to‘g‘ri yuvishdan boshlang!

📰Sanepidqo'mita Yangiyer shahar bo'limi Axborot xizmati

Rasmiy sahifalarimizga obuna bo'ling:

🔽🔽🔽

Telegram | Instagram | Facebook | YouTube

✅MAHALLABAY ISHLASH TIZIMI AMALDA
 
Bugun O‘zbekistonda mahalla tizimiga bo‘lgan e’tibor tubdan o‘zgardi. Zero, bu aholi bilan bevosita ishlashning eng samarali va an’anaviy mexanizmidir. Xalq bilan muloqotning bunday usulini boshqacha qilib mahallabay ishlash tizimi deb atayapmiz. Ayni shu jarayonda kasalliklarni oldini olish, unga qarshi kurashishda targ‘ibot ishlarining ahamiyati katta.

🔰Sanepidqo'mita Yangiyer shahar bo'limi mutaxassislari Donayeva Shahlo hamda Qobilova Latofat tomonidan Shukrona MFYda, Hakimova Gulnora hamda Abulqosimova Dilbaroy tomonidan Navro'zobod va Yangiobod mahallalarida yashovchi aholi orasida kuydirgi,qizamiq,quturish, ovqatdan zaharlanish (botulizm) va mavsumiy yuqumli kasalliklarni oldini olish, virusli gepatit "A"  kasalligiga qarshi emlashning samaradorligi toʻgʻrisida sanitariya targʻibot tadbiri olib borildi.

♻️Qolaversa,soha mutaxassislari tomonidan xonadonlarda tozalikni saqlash,shaxsiy gigiyena qoidalariga e'tiborli bo'lish,sogʻlom ovqatlanishni tashkil qilish,milliy emlash kalendariga rioya qilgan holda oʻz vaqtida emlanish kabi tavsiyalar berildi va yuqumli kasalliklar profilaktikasi aks etgan tarqatma materiallar taqdim etildi.

🫙 Botulizm kasalligining kelib chiqishiga asosiy sababchilardan biri hisoblangan,

✔️ uy (noma'lum) sharoitda tayyorlangan,
✔️ iste'molga yaroqsiz,
✔️ inson salomatligi va hayotiga jiddiy putur yetkazishi mumkin boʻlgan konserva mahsulotlari - xalq tilida "banka"lar yo'q qilindi ✅

‼️ Konserva mahsulotlari tayyorlashda zarur texnologik jarayonlar, ya'ni konserva zavodlaridagi kabi yuqori bosim ostida,120-125 gradus issiqlikda o'tkaziladigan sterilizasiya jarayonini uy sharoitida mutlaqo bajarishning imkoni yo'q.Bundan esa botulizmga chalinish xavfi yuqori bo'ladi.Botulizm bu ovqatdan zaharlanishning bir muncha og'ir va asorat qoldirishi bo'yicha ko'rsatkichi yuqori bo'lgan turi hisoblanadi.U kislorodsiz sharoitda rivojlanadi va o'zidan zahar ishlab chiqaradi

📰Sanepidqo'mita Yangiyer shahar bo'limi Axborot xizmati

Rasmiy sahifalarimizga obuna bo'ling:

🔽🔽🔽

Telegram | Instagram | Facebook | YouTube

❇️MAHALLABAY ISHLASH TIZIMI AMALDA

🏘Sanepidqo'mita Yangiyer shahar bo‘limi mutaxassislari tomonidan mahallabay ishlash shahar hududidagi mahalla fuqarolar yig'inlarida sanitariya-targ‘ibot tadbirlari doimiy o‘tkazib kelinmoqda.Jumladan, navbatdagi sanitariya targ'ibot tadbiri bo'lim mutaxassislari Xoliqova Ra'no va To'rayeva Nilufar tomonidan Fazilat mahallasida o'tkazildi.

📃Tadbirlar davomida aholiga sog‘lom turmush tarziga amal qilish, yuqumli kasalliklar profilaktikasi, xususan gepatit, quturish va botulizm kasalliklarini oldini olish xususida tushuntirish ishlari olib borilmoqda,zarur tavsiyalar berilmoqda.

📌Mutaxassislar tomonidan aholi turar joylariga xonadonma-xonadon kirilib, gepatit, quturish va botulizm kasalliklari bo‘yicha tayyorlangan eslatma materiallar tarqatilmoqda va ko‘p qavatli uylarning kirish qismiga ilinmoqda.

📃Shuningdek, mutaxassislar tomonidan mahalla hududida va aholi xonadonlarida obodonlashtirish ishlarini o‘tkazish, atrof-muhitni toza va ozoda saqlash yuzasidan tavsiyalar berilmoqda.

📰Sanepidqo'mita Yangiyer shahar bo'limi Axborot xizmati

Rasmiy sahifalarimizga obuna bo'ling:

🔽🔽🔽

Telegram | Instagram | Facebook | YouTube

‼️Virusli gepatit A: Jigarni o'tkir zararlovchi xastalik - mutaxassis

1️⃣Virusli gepatit virusi haqida nimalar ma'lum?

- Virusli gepatit virusi inson tanasidan tashqarida ancha uzoqroq yashaydi va uni yuqtirib olganlar ko‘pi bilan 10-15 yil umr ko‘rar ekan. Hattoki, ko‘pchilik xastalar o‘zining virusli gepatitdan kasallanganligini ham bilmay jigar sirrozi tashxisi bilan qisqaroq muddat ichida vafot etmoqda. Vaholanki, bu kasallikni uch yoki olti oylik kurslar bilan to‘la davolashning imkoni bor.

2️⃣Ushbu virusning yuqish yoʻllari haqida ma'lumot bersangiz...

- Virusni, asosan, virus bilan zararlangan kirlangan suv, ochiq suv havzalari, taom, yaxshi yuvilmagan idish, ho'l meva mahsulotlarini yuvmay iste'mol qilish hamda kasallangan odam bilan kontaktda bo‘lish orqali yuqtirish mumkin.

Shuningdek, virusli gepatit A (sariq kasalligi) ya'ni bu kasallik "kir qo‘llar kasalligi" deb ham ataladi. Asosan 14 yoshgacha bolalar o'rtasida uchraydigan, asosan, kuz-qish mavsumida boshqa mavsumlarga nisbatan ko'proq aniqlanadigan kasallik hisoblanadi.

3️⃣Kasallikning yashirin davri qancha muddat davom etishi mumkin?

- Kasallikning yashirin davri uning turiga qarab har xil: jumladan, A virusli gepatitida 7 kundan 60 kungacha davom etishi mumkin.

Homilador ayollar va bolalarda kasallik og‘irroq kechadi. Kasallik grippga o‘xshab boshlanganda bemor to‘satdan qaltiraydi, eti uvishadi, boshi og‘riydi, harorati ko‘tariladi, a’zoyi badani qaqshaydi, yo‘taladi.

4️⃣Kasallikning alomatlari nimalardan iborat?

- Kasallik alomatlari - dispeptik alomatlar bilan boshlanganida bemor ko‘ngli aynib qusadi, me’da sohasida biroz og‘riq bo‘ladi, ba’zan ichi ketadi. Bemorning madori qurib, ishtahasi pasayadi, o‘ng qovurg‘asi ostida og‘riq paydo bo‘ladi.

5️⃣Kasallik profilaktikasi ya'ni oldini olish choralari haqida ma'lumot bersangiz...

- Kasallikning oldini olish maqsadida A gepatitga qarshi vaksinatsiya qilinadi. Emlash natijasida immunitet paydo bo‘lib, u 15-20 yilgacha saqlanadi va kasallik tarqalishining oldini oladi.

Shuningdek, ushbu kasallikdan himoyalanish uchun avvalo shaxsiy gigiyena qoidalariga qat'iy amal qilish, xarid qilingan meva-sabzavotlarni muntazam yuvib keyin iste'mol qilish, tozalikni barqarorligini ta'minlash tavsiya etiladi!

Savollarga Sanepidqo'mita Yangiyer shahar bo'limi vrach-epidemiologi Alimbekov Xojimurod javob berdi

📰Sanepidqo'mita Yangiyer shahar bo'limi Axborot xizmati

Rasmiy sahifalarimizga obuna bo'ling:

🔽🔽🔽

Telegram | Instagram | Facebook | YouTube