Аёл билан олам мунаввар.

​​📝Хаётий Вокеа.

Бир яқиним сурункали бир беморга Аллоҳ розилиги учун ёрдам бериш мақсадида аптекага кириб аптекачига "мана шу инсон ўзи учун аптекангиздан нима олса менинг номимга ёзиб қўйинг. Мен тезда тезда келиб тўлаб кетаман" деб айтган. Негаки муолажа олиб туриш учун мавсумига қараб хар ойда 700 мингдан 1 миллион сўмни атрофида дори дармон керак бўлиб туради. Бу гапга хам бир йил бўлиб қолди. 
Шу кунларда аптекага кирсам ўша бемор инсон аптекачидан дори дармонларни олаётиб, битта рўйхатдаги дориларни пулини ўзи тўлашини айтди. Аптекачи "дафтарга ёзиб қўяверай. Бу хам пича пул бўлар экан" деган эди, беморнинг жавоби мени хайратга солди.
 Бемор: "Менинг хомийим мени ўзимга зарур нарсаларни зиммасига олган. Аллоҳ у йигитдан рози бўлсин. Бу рўйхатдаги эса фарзандимга. Ўзимдан бошқалар учун эса мен у одамни розилигини олган эмасман, шунинг учун пулини ўзим тўлайман" деб айтди
. Бу сухбатни эшитиб турган аптекадаги бошқа йигит "Жон ака. Аллох розилиги учун бу рўйхатдагисини мен тўлай. Сиз хаққимга дуо қилиб қўйсангиз мамнун бўламан" деб дориларни пулини тўлаб қўйди. Кейин беморни машинасида уйига олиб бориб қўйишга кўндириб олиб кетди.
 Ёмон одамлар хам кам эмас. Лекин мен уларни ёмонлигини дархол унутаман. Шунинг учун менга худди жамиятда яхши одамлар барибир кўпроқдек таассурот уйғотаверади. Мен яхшиларни ва яхшиликни қилаётганларни кўп кўраман. ЁКИ ЯХШИЛАРНИ КЎРИШНИ ХАМ БИЛИШ КЕРАК! Хикмат излаганга хикматли дунё. Иллат излаганга иллатли дунё. Саломат бўлинглар!
Лутфиддин Мукаррам
✨✨✨✨✨✨✨✨✨

ПУЛ КЕТИДАН ҚУВГАНЛАР


Гули бор, ифори йўқ,
Ҳаёси йўқ, ори йўқ,
Пулдан бошқа зори йўқ,
Пул кетидан қувганлар.


Пул ишқида девона,
Умри ҳазон, сарсона,
Туққанига бегона,
Пул кетидан қувганлар.


Қалби қаттиқ, қалби тош,
Отасига эгмас бош,
Оқибатсиз қариндош,
Пул кетидан қувганлар.


Сояси йўқ бир чўп, ҳас,
Қадри арзон,қадри паст,
Қўшнисини танимас,
Пул кетидан қувганлар.


Ҳардан манфаат кўзларлар,
Миннат билан сўзларлар,
Бойдан қуда изларлар,
Пул кетидан қувганлар.


Имонини нафс ўрар,
Тушларида пул кўрар,
Булбулдан ҳам пул сўрар,
Пул кетидан қувганлар.


Шахти бор-у,аҳди йўқ,
Бойлиги бор бахти йўқ,
Боласига вақти йўқ,
Пул кетидан қувганлар.


Ағёр уруғ, наслига,
Қуш ин қурмас қасрига,
Нафсига қул нафсига,
Пул кетидан қувганлар.


Ҳақни ёздим,ёздим хўп,
Қўйинг менга урманг дўқ,
Ҳозир жуда,жуда кўп,
Пул кетидан қувганлар.
✍Хуршид Карим
🌸🍃